هنا

[تّـفـاَصيلـٓ]

ولـست اُبـالغ
إنـك وحي تواصــل بـَعد ألـرسول
أراك بــكل المرايا على صـهوةً من ضياء

تـخرج مـنها
فـأذهل أنـك أكـثر مـنآ حـياة !
ألـست ألـحسين أبـن فاطمة وعلي ؟
لـمآذآ ألـذهول ؟؟
تـعلمت مـنك ثـبآتي
وقـوة حـزني وحـيدا ..!
.
.
.
مظفر الـنواب
.

[تّـفـاَصيلـٓ]

واگف گبالك منحني اعله الركب

وگفة امجدي اگبال راعي الــ ( هلا ) .. علمني اصير ابنادمك ياعلي

مدري ابو فاضل مدري يا كربلا

فهمني روحي البيها ريحة عفن

ليش من ازورك ترجع امهيّله

فهمني أمي الگاضية من التعب

شلون بعزاءك توگف امشچله

چا هي شنهي الفايدة من ازلمه

ايرتب هدومه وهيبته امبهذله

[تّـفـاَصيلـٓ]

عباس ... عباس
بس انت ابن من
بيك عطر ام حسن

ها ، ثاري رابي بحضن المدللة

المن سولفت خلت شيوخ العرب

مو بس عگلها
ارگابها امهدلة

عباس .. يالعلمتني شلون اعرف النجم

گتلي ..
النجوم الغالية امشيّلة

گتلي الگلوب الما اتدگ تندفن

بس العقول الماتدگ مشكلة

عباس .. هذا الحچي نص الحچيته تره

وراح اترك بشبّاچك التكملة



( الشاعر أحمد عاشور )

[تّـفـاَصيلـٓ]

عطش شفة

ابتسمت وخضّر فرات

عطش ما مفهوم

والماي افتهم

راية خضرة

ترست الدنيا خضار

وجربة حمرة من الخجل

ما بيها دم .. محبس ايدوّر على اصبع ما لگاه

البايگ الترچية
من شافه انهزم

طفل يرضع
لكن بكاروكه شيب

الشگگتله گماطه

مشكولة الذمم

[تّـفـاَصيلـٓ]

دورت روحي وبجيتك
مالگيت انسان بيه
ارد اصير حسين واصفن
منين ادبرلي رضيع يروح حدر الله هويه
منين ادبرلي (حنين چفوف) ينزف حيل لوعطشت رقيه ..
منين اصير حسين وانه
انه كل اخلاقي حفنه ومامكفيات اعله اديه
وانته مدري شگد جبير
السمعوك حجايه وكحه
سمعتهم مزهريه ..


عقيل العرد

[تّـفـاَصيلـٓ]

انه المادنگت للضيم بس گدام اخوتي اتذكر مدنگه
انه زينب مشيت بقافلة دخان كلها گلوب محترگه
وتمر سياطهم عالبال واصيحن ياعلي وبالسمه
يطيح السوط والهذا السمه امن اسياطهم زرگه

[تّـفـاَصيلـٓ]

ما رضيت اعله النهر
ماينطي مايه

وما رضيت عيونهم
تتفگد اخيال النثايا

ومن لگيت سهامهم عوز بسترهن
حشمت صدرك عبايه

وهيبة جروحك جزتهم
لچمة .. لچمة

وحنة القاسم تطلبك
جربة ماي
ومبري ذمة
ورايتك شگفت طعنهم
من ولوك
وهدّت مهندمة جروح
وچفك النيشن خصرها
بلا جرح .. ورايتك هدّت خضار
وعينهم غفوة فلح

ولا يلوحك مستحه من الخوله
اخوي .. ولاتهون

الگاع تستاهل لون خانت
غريب ايدوسها

وموش دوم الخلفة زينة
الشجرة منها وبيها
تطلع فوسها

ياهوه الطف
موسم چفوفك رقية
ومتني يتراواله سوط

تكزبر الدنيا من اگولن
ذاك اخوي
العلّگ بصدره أبوي
الجربة نوط

وتدري باختك
مايطگ عود بخدرها
بلا أخو

وياهو يدري
بظهر شمس الله شكو ؟

[تّـفـاَصيلـٓ]

شفّتك شاورت خيمه وصلِت ملهوف
گلّي شسولفت ل حسين

شفت برّگابهم گرّصة زراگ وخوف
كلشي اگبال سيفك تاه
سهم للخيم ناوي ايروح…… رحت طافحله عين وروح
رحت ماين رغم ماقاريه اجدامك هذيچ الگاع
رغّم العثّرت اگبالك ذنب رابي اعله غيض الله
رحت رايه وترف لمّناغه عبد الله

[تّـفـاَصيلـٓ]

يحسين حزنك لا تظن ناسينه

يا قطعة سودة نشوفها تبچينه

لـ #ناظم_الحاشي

[تّـفـاَصيلـٓ]

يحسين
بيه حچي ما ينحچي لغيرك
لو ما اشوفك
وطن چا ماصرت طيرك
لــ #عقيل_العرد