• هلالک يآشهر يجرحني لو شفتهَ
• دمَع مِن الزغر بعيونيّ عاشرتهَ
• هلالک يآشهر يجرحني لو شفتهَ
• دمَع مِن الزغر بعيونيّ عاشرتهَ
و اهلال الحزن باللوعات هليت (هل)
عالراسي الدمع عالخوان هليت (بجت)
زينب هاي اخت عباس هليت (اجت)
وصلت كربله بنت الزجيه
.
عظم الله اجورنا واجوركم
بحلول شهر الأحزان
كلمن أسيره ايكول خاطي ابقياسه
زينب مشت بالروس لاجل الحراسه
حسين االساعدي
عظم الله لنا ولكم الاجر والثواب
طفلـة تركض يـم جســد آخــر منارة
تحاچـي ابوهـــا
تگلـــه اجيــت ورشگــة رمــاح بگفـاي
بويـه جبـت الدرب ركضـة
ونارهـم تركـض وراي ..
- الشاعر ميثاق الهلالي -
… .. زينب حچايه وقصص
خاف يعثر صوتهه باذن الغريب
الصرخه حدر الثوب حطتهه بقفص
لــ ( نور السامرائي )
تره زينب زعلها يوجع العباس
مثل سحگت التربه التوجع المسجد
مثل هذا الهوه اليفتح جروح حسين
ورقيه ازغار اديها وماتكفي تسد
من تصرخ رقيه يكزبر القران
واذا شالت اديها ال بلنجف يگعد
بس انه العقيله ال تصعد اعله الاخ
مثل صعدت زراك الماي من يركد
امن يشتموني هذا الهوى يلبد
وعكازت علي السجاد توگف سد
بيد الزم حجابي وبيد اعدل الگاع
الگاع تميل كل ماروسكم ترعد
مثل ميلت غترتك هيج روحي تميل
تباوع للنحر وتگله خل يگعد
تره الماعدها اخو. من اتطيح ماتشال
واذا طاحت عباتي العرش مايركد
السيف مد سجادته وصله رگب
چيمو برواحنه بدال الحطب
صوت المناغاة دم
والطفل دلاعته حرورة سهم
والهوى تگطع گلايد فوگ جيده
ورفرفت روحه علم
وسولف الدخان الاسود..... للهوى وشالة خيم
رتلت لسيوف بالطف واحد وسبعين منحر
ربي الك عبد الله فدوه
دمه بهدوم السمه انطش نمنم احمر
الروح دشداشه وتلوچ النار بيهه
يارقيه هواي ترفه
حبال خشنه شلون تلتف اعله اديهه
حسين فوگ العمد وستورح بچيهه
…
يابو فاضل
احنه هيچ دموعنه
من اطيح تروي
وشوگنه ايدوّر
شكو افّيش اعله طولك
لــ ( ضياء المياحي )
عشت كل عمري اشوفك عالنهر شاب
هوه انته ابو فاضل يامواليد
.
.
رد مع اقتباس