ابو فــاضل ليش ضحه بـالـجفـوف
وليش قـدمهن لبن حـامي الـحـمـه
حتى يرفـع بيها راس أم الـبنين
وشـامـخـه بـاجـر أتـواجـه فـاطـمـه
فگـد عالـنهــر صح رايه
وجـوده
لـچـن ثـبـت بـأيـمــانـــه
وجـوده
شوف چـفـوف ما عـنـده وجـوده
نطـاهـن جـود بـرض الغـاضريـه
عـبـاس الـوضح عـلمـه ورايـه
وفگـد عالمشرعه جوده
ورايـه
يـصيـح الجـود گــدامـي
ورايـه
وأول مـا جــدت بـثـنـيـن أديــه
مو رايـه الفگـد عـباس موجـود
ودليلي چي بقـه عباس
موجـود
كل جـود الـبـعـد عباس
موجـود
لان جـوده فـضل رب الـبـريــه
قصيدة ..للامام العباس
حي هـلـه بعـبـاس يا عـز الـرجـال
يـاأبـن حيـدر عـلي حــامي الحـمه
الـفرق أجـمـوع الـكـفر يـوم النزال
وبعـد سيـفـه من العـده يـقـطر دمه
هـوه في طـف كـربـلـه سوه فـعـال
مـن تــوكــل كــام جــرد صـارمــه
من وكــف عـباس ما خـلـه مـجـال
أجـه بـكـل ثـقـلـه ولاخــاف ورمــه
شوف من جيش الكفر جـمع تـلال
وجان أكبر جـيـش صح بس هدمه
وكف دون حسين شامخ كـالـجبال
نــاصـر ومــاكــال شـيـريــد ولـمـه
حامه عن ديـنـه وستـر كل العـيال
وهـوه مـاعـاقــه أبـــد حـر الـظـمه
بي سجـايـه الـماتعـد وبي خــصال
مـايـخـجــلــك لـون ردت أتـكـلــمـه
أطـلـب شمـا ردت مـنـعـده تـعـــال
وحـلـفه تـدري أبـيش حـلفه بفاطمه
لطميه للامام العباس
لمن للنهـر طبـيت وصابـوا جـربـتي اعـدايــه
صحت بزود انه العباس وجبت الماي بالرايه
*******************
حملت الماي للاطـفـال بـالـرايه وتــركـت الجــود
فـوگ النهــر ما حسيت حتى بضـربــة العـامـــود
بس كـون المهـم اوصل وعـلـيه المنايه اشـهــود
عـمج ضحه چـفـيـنه
وطفوا شوف البعينه
اجـاچ الماي يسكـينه
بـالــرايـه الـچ والله جبـت العـلگــمي ومــايــه
******************
شلت الماي بالـرايـه يسكيـنـه ولگـيـت اصفـوف
كلها اعله النهر تنطر متحزمه ومشهره اسيوف
نطيت العـين لجل الماي يسكينه ونطيت اچفـوف
وصابوا جودي وتبده
وعمچ عالنهر وحـده
جبت الـمـاي واتحـده
الغايه شلـون اجيب الماي وعـمچ حقـق الغـايـه
*********************
مـلـيـت الــرايـه وتـعـنـيـت الكـم گاصــد بهــمــه
وصفــوف الاشـرار اتـمـوج يـم النهـر مـلـتـمـه
ورايـة حـيـدر الـكـرار بـيـدي امـسلـمـه وذمـــه
امانـه الـرايه قـدمهـا
ابويه وبيدي سلمهـا
وسكنه تنتخي بعمها
اجـاوبهـا واصيح بصـوت الچ هـالـرگـبه وفـايــه
******************
مشيت وما هـبت عـدوان مشيت اگـبال كل الناس
تعـنيت الخيـم بالماي بهـيـبه وامـشي رافع راس
تعــرفـيـنــه اذا تـنخي ابــد مـيـقـصـر العــبــاس
جبت الماي وتعـنـيـت
يسكـيـنه والچ وفـيـت
بكـل الالـم مـا حسـيـت
چان المهـم عـنـدي شلـون اجـيب الـمـاي ويـايــه
*****************
ارتوت اطفالي من الماي وما ظل بالخيم عـطشان
بس حسين اخـويه شلـون ظـل بحــومة المـيــدان
گلبـه مـن العـطـش جمـره تـلهـب تسـتعـر نـيـران
خل ارجع واشوف حسين
شلـون وما بـقـتـلي عيـن
وعالشاطي افگـدت چفين
وعـالـچـفـيـن يـل تــسـأل ظـلـن عـالـنـهــــر آيــه
**************
چـفـوفي اعله النهـر ضلـن وفـاء لـزينب الكبرى
وباچـر من يصيـر حساب اتطـالب بيهـن الـزهـره
لجـل حسيـن چـم عـبـاس چـم واحـد نـذر عـمـره
هـذا الگمـر من حيـدر
وبـالطف ياعـلي اثمـر
ابـنـك حـاشـه ما قصـر
فگـد عيـنه وفگـد چفـيـن چـان وحارس الـثـايـه
*****************
رد مع اقتباس
