هنا

[تّـفـاَصيلـٓ]

الحسين !!

من عرشك لحد حسين
جان حسين ينزف طف!
وجانت عينك من اتطوف كل ركضة رمح توگف!
تشبه يانهر مذبوح؟
شومابيك موقف جف؟
مناراتك ولا تنلاح
جنهن راسك العالي
ومنكد الغلات البيك يرخص يمّك الغالي!



وسام سباهي

[تّـفـاَصيلـٓ]

حسين علمني المواقف ماتموت
وكلي تعله شما تدوس جراحك
وكلي صفه ولا تعلمه اعله الرفيف
شما تصف ينهاب طوله جناحك
وكلي طيح الرمح يكتل من يطيح
كبال شامت لاتكض صفاحك


سيد غزوان الغالبي

[تّـفـاَصيلـٓ]

يحسين
بيه حچي ما ينحچي لغيرك

لو ما اشوفك
وطن چا ماصرت طيرك

- عقيل العرد
.

[تّـفـاَصيلـٓ]

لجمنه أجروحنه بعاشور
كلمن يبجي لحسينه

عامر عاصي

[تّـفـاَصيلـٓ]

يبنيتي
العطش چذاب شربناهم مطر چويات

يبنيتي
گظيت سنين اسبك للتراب وياچ
وافرغ الگاع من اعثرلچ حجاية
وهسة شلون ما تردين لاگيني

واعذري عيوني لو زلفن رمحهم يفتر هواية



قصيدة رقية
#عباس_الغالبي

[تّـفـاَصيلـٓ]

يحسين استحي اتعناك احس بروحي مامضلوم

#عقيل_العرد

[تّـفـاَصيلـٓ]

وحته ماهليت
اجيت من الله گمره
وكبرت صيت الگمر شبهته بيك

#حسين_ال_حبتري

ياقمر بني هاشم

[تّـفـاَصيلـٓ]

يا حسين
الهسه طافح بينه خيرك
گطعوك
و لملمت دنيا بضميرك

#احمد_العبيدي

[تّـفـاَصيلـٓ]

مهي برحيه زينب والخيم جمار

وكمر بيناتهم لونه اثنعش زمزم

ناصر البدري

[تّـفـاَصيلـٓ]

ماكو امان الطف نهبني
وحتى ماباكتني ناسي
مدري ناسي
من طحت ضميت ادية
حتى لا ينباك اصبعي
تلمست مبيوك راسي

#كرار_وحيد