بالتوفيق
. (الأمام الحسين (ع) يخاطب السهم الذي أصاب نحر عبد الله الرضيع
أي عاذرك ،، لا والد ولا عطشان
او لا ضايگـ اللذه الـ بزر الگعده ..
أي عاذرك ،، خلصت عمرك مدفوع
مالك اويه الكاروك روحه او رده ..!!!!؟
هوّ الگماط الينگطع ،، شده ايهون
بس النفس من ينگطع شيشده ؟!!
تندل نحر عبد الله ماضاع اعليك
السوگـ يندل وگفة الماعنده ..؟
مرات اصيحه (الغالي) مره (العطشان)
ويحومره الدم و اصيحه (الورده) ..
.
بنـيان القضـية امعوز كسور
وهن شـچم كـسر وتحملوها
كسر ضلع الزچية وكسرة الباب
وكسـر حـچاية الله الماخذوها
وتركو چم كسر بعظام الحسين
بحوافر خيلـهم من رضرضوها
كلها بصوب صارت هاي الكسور
وكسـرة گلـب زينب من سبوها .
.
ماعندك صدر
للخيل فوكه ادوس
عبد الله حلو ومنفوس
حركو كلبي من رادو يدفنونك
بالمعطشك يغسلونك؟؟
.
اشتم طف
وشوف ابكل كتر شفه تسولف مدري جم شلال من تنشف
واشوفن وادم متيهين كايدهم يزيد ودف
وبريد انحور خذه عبد الله ساعي الحلك كل نبلة رسالة دم
وطريق بلايا وجه الله مشه بزينب ظعن مخنوك
.
ورافك كلشي مايشتم علي ويالنوك
اشتم الفجر وختنك بأول نور دله اعله الظعن جم شوف
واگودن ريتي لزينب أشمنها وميض اسيوف
ادور فكر عنها بلا متون وسوط
واسحك كل شعر مجتوف
الماشافج دليل ارگاب ميكتبج شريعة جفوف.. .
شدي حيلج
الليل اجاج
الظلمة ما ترحم غريب
الكاع وحشه ونكلت اجدامج نحيب
السكته سوط
الظلمة سوط
الهندس اينكط خيام
وغيمة الطف البجتلج مطرت بسبعين امام
الليل اجاج ....
بيده شايل ..حيل ابوج .. و ريحة امج
وكطره من نحر الجفوف الضلت اتفرفح وراج
.
ولچمنة ،
جروحنة بعاشور؛
كلمن يبچي لحسينة .
مدري شلون ظلت ما فنت يحسين
مستغرب الدنية بيا وجه ردت !! .
وصلت تنفني والطف نهاية تصير
ثلاثة ثنين واحد للصفر عدت
ساعة موت جانت ولميالة سيوف
بالطف بلميالة المعركة احتدت
اظن كلتلها ردي وطاعتك يحسين
ما كالت شلون بلا فكر ردت .
.
رد مع اقتباس