التعاسة
مفردة توضح معانينة الكثيرة
التعاسة من تشاهد شاب
كاعد عالرصيف يدخن احلامة الاخيرة
التعاسة
من تلاكي انسان فايت عمره كله
وجفة ما لامس ظفيرة
من عمر سبعين يحتل الشوارع ماد ايده
ودمعتة بعينة جبيرة
شكرا لتعبك تلمهم
غيرة يملك كل تقاطع
ابكثر ما ناسنه الماعدها غيرة
التعاسة
من تشوف الناس عدها عيون
لكن معظم العالم ضريرة
التعاسة
بإغتصاب العاشگة بجملة الينهي عليها
وتنفرض عل حب قوانين العشيرة
والاخيرة
اعتبر الانسان ميت لو تلاحض
في وقت ميت ضميرة
الجريمة من تفرگ احساسنة اسباب التفاهه
ال بالاصح ما الها داعي
الجريمة من اقدم عل وظيفة
ولو يوزعون القوائم
الكة اسمي بصفحة الموت الجماعي
النزاعات التمر بالناس احلها
ليش ما گادر احل فوضة نزاعي
تباً لأوجاعي كلها
يا محيط البي اسافر
انه واگف والهوى يكسر شراعي
يا بشر اكدر اصدگ
وبيش أأمن ... جفي ليعارك ذراعي
يمته تكدر ... ويمتة اكدر تخلع واخلع قناعي
وانتظر يل تنتقدني
اني ما كاتب شعر ما بي قضية
الشعر من ما يهز شعر اصطناعي
وأتضحلي الناس غربة
الفقير مذللينة والغني يصيحولة باشا
كون ما شوف الفراش اعله الورود
كون تفتر كل شخص فوگاه فراشة
كون صاحب يزرع بروحي السعادة
كون نية لاصدقاء اضل نفسها من اركز بالاعادة
وأتضحلي
حتى فرحتنة بتخلف
وأختصرها بهل خلاصة
كون ما ندفن بشر ... ندفن رصاصة
وشرد الم من البقايا
صفكوا للفاز بينا ... قبل صافرة البداية
الفقر قاتل مخضرم
واحنة اسماء الضحاي
رد مع اقتباس
المشاركة الأصلية كتبت بواسطة جنة الروح
