ماكو ولي الا علي
ونريد قائد وطني
أنريده تابع للشعب
لا صفوي ولا أموي
ياكل ويانه من الطبگ
مو ياكل مفطح طلي
ساكن مثل باقي البشر
مو قصر من هذا الثري
منريده فاهي بلايه راي
أنريده بالشده قوي
مو حرامي يبوگ مالات الشعب
چاوي گصته وصاير براسي تقي
ماكو ولي الا علي
مو شرط قائد جعفري
المهم أقواله فعل
مو گاعد يصفط حچي
موش من الخطوط الحمر
من تنتقده ما تبتلي
أنريده يطلع للبيوت
إيشوف اليتامى ويشبع ويانه بچي
مو موكبه يسد الطريق
وهو گاعد ع البخيخ ومنتچي
كافي بعد ما ننخدع
ذاك شيخ وهذا واعظ ملتحي
وماكو ولي الا علي
ونريد قائد وطني
#خيري البديري
#عيدالغدير
رد مع اقتباس
