يريدوني نخل مايكسر فياي
يريدوني فرح ويكابح ادفوف
انه بهيمه وكلت مابيع ممشاي
على مباوس جذب ومصافح جفوف
انه بياهي اصير اركض لبلواي
واضل سندان صيني لورد الحروف
كشت بير الغميج وغرفن ادلاي
واهب الكل ضوه وراكي اعله الجتوف
واذا صوت الغراب يعير الناي
بعد حكه الكصب من يثلم سيوف
.
شحسبالكم ؟
فترة ونسينه العشرة ياهو الكالكم؟؟ يوميه اشر اخدودي من تطلع شمس
واستقبل الليل بنياحه انعالكم
واصفن واحطكم مملحه برف الجرح
وابالي يوميه صوركم تنمسح
من التراب امسحها خلو ابالكم
مشتاك اللمكم.. واحجي من ذاك الحجي اليحلالكم
ومشتاك اسولف جذب واجبر حالكم
ومشتاك اضوجكم شقى
لا والله حتلو بالصدك !! المهم وجهي اكبالكم
رحتوا ندى وي غبشة الشمات ليش؟
شمالكم؟
المشاركة الأصلية كتبت بواسطة Dreamfall
الله الله
تحياتي
منورات المدونه
جِبِت كِل شي وعِفت كِل شي
ومَدري إشلون جِيَت أمشي
إجيتَك رِدت أگلَك شوف
رِدنَه إنعوف كل شي
وما گِدَرنَه إنعوف
____
لاتردني
وانا مثل الروح.. شوغاتي تضدني
ومن تردني
شكو بالدنيا حزن ..
بعدك مردني
ومن تردني
مثل زيبك اثر ماتلكالي.. لومرة تهدني
يالتصدني
عن رشف كاسك الطافح بالحنان ..
من عذابك بالهوه لو ردت زدني
بس يولفي ..لاتردني .
غضب يتساقط ابأذني
وغضب ياخذني ويردني
يهدهدني الهوه ..يسمر يهدهدني
يكلي ادني
ينازع وجهك بكلبي ..
الهوه من تبتعد يدني
يمن حبك سرج مهره
اعلى كيضك ينتظر خيال
مانكفر .. نكلك جلمة التنكال
نكلك حد يصير ونكطع الامال ؟
يجتفني الشبج للماي
وأكفر من اشوفك ماي
انخاني امجفن ابكبري !! اكلك جاي
اكلك لو عزه الغربي ..
يدك حيدار ..اكلك جاي
اكلك مرمرتني اهواي
مثل ما يثلم.. الخبزه،
ثلم گلبي... صلاة الصبح،
حسبالك
وأگابل بيها بس ربي!! مسح بعيونه،
من يخزر
نبض گلبي
عذاب العمر.. گضيته
وعتاب الگاه، بنص كتبي
رسم عالحايط من ابعيد.. هواجس روحي
نور وضي... مشه الحايط.. وظل الفي..!! عبرت اشكد
سواجي وياك.. عافتني الجروف.. وثبت بس المي!! مشت ليش الشوارع ؟
ظلت الخطوات.. تتخبط بغربه وهم
گمت اتطشر وألتم
فتحت الگلب طلعت الأسرار البيه... شفناها
چذب مديوره دايرنه.. واحد چنه.. صرنه اثنين،
واحد عكس الثاني.. سافرنه!!
.
غني روحي ..شما يجيلج حزن غني
من تشوفين الهجر للشوكَـ حني
يا دموع الفرح نرجس فوكَـ جفني
غني والكَيعان شفه والهوا على الماي يغفه
غني كل شي يصير بسمه
مره وحده
(صرت اشوفك احلى ما مرسوم بالدنيه ورسمك)
(صرت اشوفك وين مايطلع كمر)
صرت اكل للناس حبو. .هوايه حبو
ولا تخلون الربيع بلايه ورده
حتى يبقه الوفه شمعه
حته تبقى الدنيه مليانه موده
كلت احبك مره وحده
(تدري مرات الغياب يصير شامت وضل احسب)
(وحته ساعات العتاب وياك ماخلتني اعتب)
