اليوم راح اسولفلكم سالفه
البارحه مقررين نشوف فلم فلازم قبل لا نعرض الفلم نجمع ونسوي تجهيزات المهم الكل سوه التجهيزات العليه واحد يجيب حب شمسي والثاني يسوي لفات طماطه وخيار واحد يرتب الاماكن يعني يجب مخدات وهالسوالف (ها صفو النيه مو مخدرات كاتبه مخدات شسالفه ركزو زين هيه صدك خربت بس مو لهدرجه) الكل شغلاتهم قانونيه الا انا ام المقالب مثل مايسموني
جنت احضر استعدادات للمقالب
رحت سويت .... لا ما اكلكم
تابعو شسويت من خلال الاحداث
اجمع الكل طبعا عدا بابا وماما عرضنا الفلم بالبدايه سوالف تعرفون مقدمات الافلام على مايكَولون القصه شوي ماتسوي واهس للتركيز والصمت شوي شوي بدت الاحداث تقوى طبعا انا موقعي بالاخير وراهم كلهم الله وكيلكم جني قناص
فبدأ الرعب بالفلم الكل سكت وانشد للفلم بتركيز يعني احس من كد التركيز عيونهم راح تطلع من راسهم جنهم هذا السمايل
خلصت المزه شنو المزه وين كاعدين لايسمعنا احداقصد لفات الخيار والطماطه
فلازم اختي تروح تسوي بعد نسوي توقيف للفلم وناخذ فاصل على ماتروح تسوي وتجي ماقبلت فراح ابن خالتي وياها .. طبعا انا قبل لا ينعرض الفلم رحت للمطبخ فتحت قفل الشباك بس مافتحت الشباك فدخلو للمطبخ وكَف يم الشباك بس ناطي ظهره للشباك انا طلعت من باب الديوانيه للحديقه رحت يم شباك المطبخ دفعته بقوه وصحت بصوت مرعب وعالي واااااااااااه ما اكلكم شلون صار شكله كَمز كَمزه وصرخ ولج يمه وافلت من المطبخ اختي جانت تقصص الخيار شمرت السجينه والصينيه
طبعا ما اكلكم عافو الفلم وبسطوني
كلتلهم راح اكعد عاقله والله بعد طول الفلم ما اسوي اي شي يله خل نكمل
كملنا من خلص الفلم طبعا يصير سره مال جوازات على الحمام
همه يجون كلهم سوه لان يخافون فأجو .. اخوي عليه يخلي الكَلوب يرمش يعني يطفي ويشغل همه وصلو بنص الممر وبدأ اخوي بمهمته همه كالو يمه شنو هاي رفعو روسهم يباوعون على الشموع وانا طلعتلهم بنهاية الممر غيرت صوتي لصوت مرعب وسويتلهم اصوات مرعبه
البنات كعدن بالكاع ماكدرن يمشن وحده ضلت تزحف الثانيه لا جمدت كلش وابن خالتي الكبير صرخ وفلت ابن خالتي الصغير سواها مره ثانيه على نفسه
صارت الصلاة صلينا واجينه انام اجه ابن خالتي اكلكم تقبلون نازح يجي ينام يمكم كلناله ها شبيك تخاف اشر عليه وكال من وره هاي البلوه اكو واحد يبقى شجاع هسه تقبلوني انام بالهول يمكم كلناله ماتستحي روح منا كبرت انته عيب تنام هنا بس بنات ينامن هنا من صار الصبح كعدت ب7 سمعت ابوي يكول خطيه الولد مادري شبيه توه يله نام الليل كله رايح راجع من الحمام بس لا المكيف بارد ومايعرف ينصيهابن خالتي الصغير من كَعد ضل يبجي علينا الا تودوني للبيت اخذه اخوي وداه لبيت جدي الظهر خابر خالي يكول لامي هذا الولد متخبل ويكول ابيت خالتي جنيه مال افلام رعب حقيقيه شفتها بعيني والله جيب اخوي واخواتي لاتموتهم
كلنا غلسنا ماكلناله لامي السالفه لان بس نكول يمنعونا من الافلام
اعذروني على الاطاله حاولت اختصر قدر الامكان بس شسوي هذا كل الي كدرت عليه
اليوم جهزت مقالب غير شكل باجر اسولفلكم الاحداث الي راح تصير اليومانتظروني غداً بالجزء الثاني
رد مع اقتباس
المشاركة الأصلية كتبت بواسطة *R.F.A*
