انه سولفتك وماگلت كل البيك
مثل القرة حچاية بنص الف ورقة
.
كل الگلتة انك فكرتي وفحواي
واسراري ويقيني ومبدئي وعمقة
.
وايماني وضميري وراحتي من احتار
بيك والگة فكري بعالمك يشقة .
يل بجف اليتيم ايصير جفك ماي
يابيرغ الرأفة ومعجم الرقة .
وبنفس الوقت انتة الترد الجيش
من يشرد الكل وانت بس تبقة
.
ماغاليت بس هو الصدگ انتة
الصراط المستقيم وعروة الوثقى
.
مامجبور اچذب حتى ارضي فلان
واقبل وية غيرك تنعقد صفقة
.
وانت التعبد من الليل ليل الليل
طوعتة وحييتة وجسدت نطقة
.
احبك ..وابقى اسولف ياعلي بطاريك
لو تختلف بيه اسبعطش فرقة
.
.
ايهاب_المالكي
.
.
رد مع اقتباس