اعذروني
هفت واتعذر البردان جانوني
تعب بي الدرب يهلي
واذا عار التعب بالناس عيروني
جان الليل خطفه وهسه صار الليل
من حزني دمعته وظلمته بلوني
وصار الصبح مابي من حلم فيروز
وي حسين نعمه اينزن جفوني
( بين علي الكبر واشتاكن عيوني
وين الاحبهم جنت وجانوا يحبوني )
اعذروني.. جنت
وادري جنت ما تانس الخطار
بس بلا جنت بيمن تعرفوني
امس تاعيتهم طاحوا علي زافات
هسه الهط وراهم ما يتانوني
جزوا عني على خفه بلايه كسرة عين
ظل حملي وحملهم شالته امتوني
جنت المح الحاجب لو عمز مكفاني
بعيون الكبالي ويترس عيوني
هسه العين كطره وظام بيهه الشوك
غبشه عيد لاحبابي الينطروني
وجنت افرك سنوني عناد وي دنياي
هسه بطرك اديه وطاحن سنوني
طويت غروب عمري بكاغد ورديت
هلبت من رفيف الدم يعرفوني
اعذروني.. يغالين. الوصل لو صار خد وعين
بعيون الحقيقه شراع تلكوني
ابقى زغيركم والكال خله ايكول
ما نافش كباره على اليريدوني
تون براسي حيره.. ولاني لاكي الطيف
لاني الكاعد ولا راد بضعوني
مشن عني القوافي وصيحت واوميت
مثل احباب كلبي المايسمعوني
اعذروني..
اذا يوم على طارف خبر تقروني
قصيده وناي وكت غروب اذكروني
واعذروني...
رد مع اقتباس
