السلام عليكم
شلونكم؟
اخواني وخواتي
اتمنى الي عنده معرفة بهاي المعاهد
معهد اوكلية صناعة او حماية الاسنان
ينطينه معلومات عنها
شكد تقبل معدل ؟؟ الدراسة شكم سنة؟
بيا محافظات ؟؟ حكومية لو اهلية ؟
الي يتخرج منها شنو تأهيلة؟
اذا اكو معاهد او كليات احسن منها ياريت النصيحة
علما انه المعدل الي محصله الطالب 92.89
رجاءا المساعدة
وعليكم السلام حياك الله الف هلا
هو يريد معهد حصرا ؟؟
انا الان دراستي طب اسنان يعني كلية... بعد تخرجي استطيع ادخل تخصص صناعة الاسنان ..واعمل بكلا من التخصصين ..
لكن يوجد معهد تقني طبي صناعة اسنان .. سأحاول ادراج تفاصيل عنه ..لكن لااعرف المعدل بالضبط .. وموجود في بغداد المعهد مااعرف ان يوجد في مكان اخر
لا اختي مو معهد حصراالمشاركة الأصلية كتبت بواسطة عازفة الامل
اي كلية بس كون مقبولة ضمن المعدل الفوك
قسم صناعة الاسنان
باللغة العربية : قسم صناعة الاسنان
باللغة الأنكليزية : Prosthodontic Department
تسمية الخريج :-
باللغة العربية: تقني صناعة الاسنان
باللغة الأنكليزية: Prosthodontic Technican
تسمية الشهادة :-
باللغة العربية : دبلوم تقني في صناعة الاسنان
باللغة الأنكليزية: Technical Diploma in Prosthodontic
الهدف
يهدف القسم إلى تخريج ملاكات تقنية تعمل في مختبرات الاسنان وتكون قادرة على انجاز كافة الخطوات بصناعة البدائل التقويمية السنية الثابتة والمتحركة وتعويضات الوجه والفكين.
توصيف عمل الخريج
اولاً: – تأهيل الخريج في التقنيات المختبرية لصناعة الطقم الكامل وبالتعامل مـــع الاجهزة والادوات اللازمة .
ثانياً : – تأهيل الخريج في التقنيات المختبرية لصناعة الطقم الجزئي بأنواعها .
ثالثاً :- تأهيل الخريجي التقنيات المختبرية اللازمة لتصليح الطقوم الكاملة والجزئية واعادة تأهيلهــا بالتطبيق وتجديد القاعدة او اضافة الاسنان .
رابعا ً:- في مجال مختبرات الاسنان في التعامل مع مختلف الاجهزة في اختصاصه وكذلك صيانتهــا وادامتها مثل ( المواد الجبسيةوالاكريلك والكروم كوبالت والتيجان والجسور وتقويم الاسنان) وخزن المواد والاجهزة الخاصة والمختبرات التجارية .
خامساً :- 1- فــــي مجال المادة السنية : الاستعمال الصحيح للمواد المستعملــــــة في القوالب والنماذج مـــــواد الطبع بالشموع السنية , الخزف السني , المواد الصاقلة , مواد الاكساء, الراتنجات.
2 – من خلال التعرف على طبيعة المواد هذه يستطيع الخريج الحفاظ علــــــــــــى خواصها وصفاتها
سادساً:- تقويم الاسنان : التعامل مــــــــــــــــــع الاجهزة المتحركة لتقويم الاسنان ومعرفة خصائصها واستعمالاتها .
سابعاً :- التيجان والجسور: عمــــــــــــــل التيجان والجسور وتعويض الاسنان المفقودة بأسنان ثابتة .
شكرا اختي
زين شنو الكليات حسب علمج المقبولة ضمن المعدل الفوك
المعدل كولش يحير حرامات يعني ممقصر هو ...بس عالقبولات هاي السنوات .. يروح معدلة خسارة.. حتى تحليلات مرضية متقبلة كحكومي .. لكن اهلي يقبلة طب اسنان وصيدلة ..
زين عندة امكانية يدخل كلية اهلية؟؟
لا ماكو امكانية
اعتقد المعهد الطبي التقني الي حجينه عنه فوك .. كولش زين .. واصلا معدلة عالي يعني يعتبر كطبيب اسنان .. وعمله كعمل طبيب الاسنان تقريبا ..
خلي يستفسر عنه .. وان شاءالله موفق ... راح ادرج رابط الموقع مالت المعهد .. خلي يطلع على اقسامة وتفاصيل الي بي ..
شكرا دكتوورة ما تقصرين
اختي هذا على نفس المعدل الفوك ينقبل مو؟
رد مع اقتباس