من گد الترافه البيچ أشوفچ...ماي.
ياساحة كرم بالضيج. ياوجه الندى عل الريج
.... ياشباااااچ .
وچفوف التزورچ تّنترس شاره.
يجماره...
يشوگ المايلحّگچ شووووگ....
ينخله ودوم تدْلي عثوگ..
يافيّ اليِظل بحرورة الصيهود
ياشط السماحه الما تلزمه اسدود
. أنتِ الهوى المفروض أشتمه كل يوم
مخنوگ أحس الروح تتنطّرچ دووم
يوجه الله
يطينة حرّي معجونة ابسمار الضيم
يمطّره وما اتّاني الغيم..
يچف نعمه يلم أيتام ،وكت العوز....
يماية كوز...
يقبله وكون اضل مكابلچ محراب..
يباب الله شحلاة الباب .. من ينّفك كرم خنياب
يعصّابة بخت مهيوب والشيله ستر بُكّر
يصوت آذان من خيط الفجر ينّطر
يبير بنص لهاة البر
اضل بجالج امعتبر
امي.. ومن اكول امي عسل بشفاي
ما وفيّج يل حيلج نحلّ برباي.
زودي بزود امي وهاي. چلماي
ذخر يل دوم احسّج سيل .چلماي
انْحلت بس ما يلمني غير.چلماي
بخت حضره وطبع بجفوف اديه
ضياء الصافي
رد مع اقتباس
المشاركة الأصلية كتبت بواسطة جراحات الزمن
