هنا

[فقار الكرخي]

عيد الغدير اعلينه/هل وعلي واليَنه
أعلنّه بيعة الحيدر/نفس الرسول الأزهر
********************
هل اعله البشر عيد الولاية
عيد الجعفرية ابهالبرايه
چم مُسند خبر يحمل رواية
من رب العلا اتحفّه العناية
عيد وفرض عالأمة/ليه بالمصادر حرمة
تتويج زوج الكوثر/نفس الرسول الأزهر
*******************
نحيي هالأمر وي كل الاعياد
نتعايد وننشد أحلا الانشاد
بيه ألنه ابتسامة والفرح ساد
مو جن وأنس عَم سبعة الاشداد
عيدي الوصيّة عيدي/اگلادة وتطوّگ جيدي
رغم الذي يتجبر/نفس الرسول الأزهر
*********************
خطّطله الجليل وكشف عنّه
وكلمن بيه يشكّك خاب ضنّه
أنصار الولي الگبره اتّعنّه
وينادون هالبقعة وطنّه
رغم المعاند گلنه / تربة علي موطن
ّه قائد معارك خيبر/نفس الرسول الأزهر
*********************
مو بس بالبشر مليانه الادروب
ليه من كل بلد تتوجّه اگلوب
شگد تتعنّه يم حضرة المندوب
بگدهه اضعاف شوگ الشوفته اتذوب
خَل يدعي كلمن زاره/يحسبنه من زوّاره
بالدنية من بعد الذر/نفس الرسول الأزهر
*********************
مو بس التعنّه وزار ينعَد
زاير لن اله حزام السفر شَد
كلمن راد يحضر مهما أبعد
حاله اويالگصدله البيته لو رد
بيده يسجّل أجره/تكتب حضوره الزهرة
لاحبابه يحمل دفتر/نفس الرسول الأزهر
**********************







ألشاعر قاسم المندلاوي

[تّـفـاَصيلـٓ]

عاشت الايادي للطرح
سلمت روعاتك

[روجـيـنـا ♡]

الله كلام جميل

سلم اختيارك

[ابو علي المياحي]

مبارك لكم عيد الغدير الاغر

[§§زهرة البصره§§]

رائع عاشت الايادي

[أُمنية]

سلمت الايادي
يسلموو

[قـَســم ✞]

يسلمووو

[فقار الكرخي]

نورتو الكون