هههههه .. صارت لي حالة مشابهة .. أن لما جماعة جالسين بالمسلسل وحد يمشي منهم .. ألصق بالشاشة حتى أشوف وين راح ..
جنت دائما اعتقد أن الشمس وقت غروبها تاكلها الارض هيج تنشق وتبتلعها .....جانت تروح ورا البيوت العالية وتختفي فصار عندي اعتقاد انو اما تنشق الارض وتاكلها اما انو تكعد ابيت عمو ابو علي\: لان جانت تختفي ورا هذا البيت
ومن جان بابا من يطلعنه بالليل ومن نمشي بالسيارة جنت اباوع من الجام واشوف القمر كأنما يمشي وياي .... جنت اعتقد انو يراقبني وجنت انزعج من مراقبته المستمرة الي
واذكر همين أنو جنت اعتقد أن السما عبارة عن ورقة سودا وانو الله يجي وبالقلم العملاق مالته ينقط النجوم ...بعدين يرسم دؤيرة الي هي القمر ....
وهمين جنت اعتقد انو اكدر امسك النجمة بايدي جنت اتمنى اطير بالطيارة وامسكها جان عبالي شكل النجمة خماسي .....
موضوع رائع لي عودة مع اعتقادات اخرى
قبل عبالي الي يصير بالمسلسلات و الافلام حقيقة
يعني من يموت واحد عبالي صدك يموت و جنت كلش كلش اتعجب من اشوفه بغير فلم او مسلسلة
والله حتى اني مثلج اتذكر مرة اني وابن خالتو كتله خلي نلحكها جان نركض ونركض ونركض هسه نوصل وماكو وكلما يتعب المسكين اكله وك هياها اقتربت حـ نمسكا انت بس اركض ههههههههههههه والمسكين يركض ورجعنا للبيت ميتين تعب كتلها اذا تكول الا امسك القمر واضمه بس الي وكلما اتذكرها اخرب ضحك ههههههههه
شكرا للمضوع وردة
اذكرت بعد شغله من جنه نمشي بالسياره واكو بنايات بعيده فعبالي تضل تمشي ويانا والقمر هم عبالي يمشي ورانا
اشوفكم باعتقاد ثاني من اذكر