تجربتي مع الصداقه
السلام عليكم
حابه احجيلكم تجربتي ويه الصداقه اقصد التجربه الفاشله ليش فاشله اسمعو اقصد اقرو اذن
جانت عندي من الابتدائيه صديقه الصراحه علاقتي بيهه جانت سطحيه اقل من السلام حته وبعدين بقت تتقربلي اشويه اشويه الى ان صار بينه سلام وطبعا التقرب اله اغراضه مااطول عليكم صرنه صديقات ولسوء الحظ هالبنيه جانت يم بيتنه يعني بشارعنه وطبعا هي جانت حاطه عينهه عليه لان شاطرة بس اني جنت مو مهتمه الهلشي متجاهلته هالحجي بالاول متوسط
بالثالث متوسط كامت اتسوي شغلات مثل تاخذ الدفتر مالتي قبل الامتحان بيوم ومترجعه مع العلم اني انبهه واكللهه اريد اقره بي ومن اجتي الامتحانات هالبنيه كامت تتوسل حته اقريهه وطبعا كلبي الرهيف قبلت لان انكسر عليهه بعدين كمت اقريهه ومن الصبح اروح للمدرسه حته اقريهه يعني صرت مدرس خصوصي الهه نجحت البنيه من الثالث وقدمت رابعادبي واني علمي المهم كامت تجيني على الانكلش واشرحلهه اما بالسادس اجتني اقريهه رياضيات وعلى الرغم من المنهج مختلف قبلت انو اقرا واشرحلهه وكمل الرياضيات وانوب اتريدني ادرسهه تاريخ وجغرافيه واني علمي وكلت ميخالف طبعا الحجي دور ثاني لان مكدرت على الاول اني هم جنت احجي تالي اني قبلت وكلت عادي حه لو اهم شي الصداقه لان اني اعتز بالصداقه حيل
صار عندي ظرف مكدرت ادرسهه كلتلهه عندي ظروف مااكدرادرسج كامت تحجي واسمعني حجي وادكلي خلفله عليج لان مكدرت اقريهه يوم واني سكتت وتالي امهه كامت اتخابر وتحجي ويه امي حجي زايد ومن ذاك الوكت ليهسه هي لا سائله عليه ولا حاجيه لان مقريتهه يوم وجماله تاريخ وجغرافيه واني علمي
الانسان موقف واحد سيئ ينسي كل المواقف الزينه
ومن ذاك اني ماعندي ثقه بالصداقه وماامن بيهه ماكو صداقه بهلزمن
المغزى من الموضوع ولو طولت عليكم سامحوني هو لتنطي وجهه الشخص ميستاهل
واتاكدو من اصدقائكم وحقيقة نواياهم
شكرا وعذرا للاطاله
رد مع اقتباس
المشاركة الأصلية كتبت بواسطة ★ نِجمـٌــٍة شتـٍـٌــاء ★
