كتلها متغيره شعجب ماكو ابتسامه شفه
واسلوبج وياي اختلف وسوالفج مو ترفه
ومو مثل الاول جاي احس ملكاج مابي لهفه
كلتلي صح تغيرت
والسبب انته اتاخرت
خطبوني ناس اوافقت
وبعيني صارت رجفه
وهزيت راسي ودنكت
ودموعي طلعن زفه
ورديت كل خطوه بكتر ماكمت اوچد دربي
حظرلي روحك ياچفن
من اليوم راح ابدي الحزن
وياكلبي اريدنك تون وي دكتك ياكلبي
ويا عين حظريلج دمع بي خير كون وصبي
ع الواعدتني وماوفت وبروحي خلت صوره
ع العود خلتني ومشت وانا ادري مامجبوره
راحت لان ماعندي شي والحاله مو حالتها
وقسمتها شالتها من ادي لبن الترف ودتها
عود امها جبرتها وبجت وضغطت عليها اوافقت
لا امها كلش ماحجت مقتنعه بي شافتها
جا هيه لمن هلهلت شافت سعادة بتها
يابتها فضلتي الترف هنياله مو هنيالج
صح هو لايكلج لجن بس انا جنت احلالج
شيليني والله يوفقج مااريد اضل ابالج
بس غيري عطرج لو طلع وياج خاف اشتمج
وياخذني جدمي اعله العطر والكاني واكف يمج
وانا البعدني اخظر جرح واللجمه توجعني هواي
صعبه الاشوفه لجان امس بحظاني مايمشي وياي
ي الرحتي يم الماعرف يقره الحمد من خطبوح
واليبعتي عشره بجم فلس ياوسفه بيهن غروج
روحي وعساج بلا حلم بيه ويردج تبجين
وروحي وعساج بلا دمع لو شفتي لبنادم طين
روحي وعساج بلا ندم وتفكرين ترجعين
وخليني بلكي انسه المضى ولما كدرت اتناسى
بس هو ليفارك ولف
يصعدله شيب من الزلف
الليش تمشي وياه عزف حد ما تشيب راسه
.
.
.
سيف ابراهيم
خ
رد مع اقتباس