..
قصيدة رباعيات
((همس الخواطر))
للكبير والانسان الراحل
شاكر_السماوي
____________
((صحوه))
بنص النوم و كلبي مساهر !
مستاحش لا خِل لا خاطر .
لاطيف ايمر يجبر خاطر
جولة الدنيا بعين الحاير
•
((تامل))
غيمة نور اتطوف بدمي
تمطر كمرة
تغسل ضيمي وضيم اضنوني
بخمرة سره((سر النور))
وصحية من الصحوة وكلبي
محير بامره
شاف الروح بجف الدنيه جمره بجمره
•
((نص حلمان))
كلبي يشوف الكاع مرايه
واخيال ابزيبكها ايغيب
كلبي يسمع حس قيثارة
جف عازفها بحلك الذيب
كلبي يسولف وي طفل اخرس
يحجي احروف بلا ترتيب
((كلبي ايحس الدنيا اترافس
تطلك مدري شراح اجيب))
(( حلمان ))
شفت اخيال احمر بالكمره
يمشي اعلى اطراف الصفصاف
شفت اجفون اتحاجي اجفون
شفت وجوه بلايه اشفاف
شفت ابنادم فوك الغيمه
يشتل عنبر ماينشاف
شفت الراعي يسوك النجمه
ومجنون يشاور عراف
رد مع اقتباس