تصلي لله من غبشة
وتشتم بالظهر جارك!..
وتگلي الدين حب وخير
وتِدگ بعيوني بسمارك..
تذبح ناس عَل القبلة !..
لأن ما رِضت بأفكارك ..
ناس بكيفك يطبون
(للجنة )
وتظن النار هم نارك!..
مرتد وجهنم ثوب تگّعدًلة؟!
اليحب الله أعل كد عقلة!
البّنية التحّط كحلة!
كلمن گال
لتخافون
ترة بنص الگبور العيشة هم سهلة؟!
كلمن رافض الدم وتراثة وحيرتّة وأصّلة!.
كلمن راد يتبدل خشب تابوت بالرحلة..
والترفض حجاب يصّد هوى الگذلة!
كفار وابد ما مش رحم بيهم..
يل عندك حلال تبيع دم الناس
بس كلش حرام احلام تنطيهم!؟
تريد بسيف تشريهم!.
وبلون العبي المسبية وكت غروب
تصبغ كل تراجيهم..
تشرّع السما بكيفك!..
وبراسي سجد سيفك!..
بشتاك أنّدگ مثل بسمار بالحيطان..
وتمردّني غصن رمان ..
لمن تعطش بصيفك..
شَسّويلك..
يل عندك حرام أُنشم عطر للناس
بس تتّمنة تشربّني بمنّاديلك..
تخاف تلم گصايب چانت معرسات
بس عادي تلم الروس بشّليلك!..
من تخاف من ظلمة شتا الايام
تِدوّر روس تحرگّها وتضّويلك..
تگلي براحتك طير بسما العشاگ
وبعدها بظهري تحفر دم زناجيلك!..
رد مع اقتباس
المشاركة الأصلية كتبت بواسطة *زينتي حجابي*
