عيناك اجمل واحتين
في صحراء السنين القاحله
عيناك قافلة العاشقين
فكم اتمنى ان اكون مع تلك القافله!
االساعدي
عيناك اجمل واحتين
في صحراء السنين القاحله
عيناك قافلة العاشقين
فكم اتمنى ان اكون مع تلك القافله!
االساعدي
تاخذها صفنه اعليك عازتها عازه
ياروحي بين الناس مثل الجنازه!
االساعدي
نحجي الصراحه اوياك لمن هوينه
كل احنه سهرانيين ما غمضينه!
االساعدي
-
رايح يالجنوبي ابغيرة الكرار
ابن ذيقار
تاج الر اس تلكونه اعله خط النار
هذا الرافضي
الما بايع الاشرار!
شفتك فازع التكريت
مثل فزعتك بالانبار
عراقيات متأسرات!
وانته المارضيت العار!
بسطالك يساوي اشيوخ
منهم !!يابخيت الدار!
بسطالك يطهر كاع
طبها الناصبي الغدار!
يا ابن الروافض فوت
والموصل تكول الصار!
روح اتعارك اويه الموت
خليها الجثث طشار
هاي اطفالهم والصوت
يكسر واهس الاحرار!
ياحوت ابأرضهم فوت
وانقذ لهفة المحتار
يونس ما نساه الحوت
وانته الما نسيت الثار!
انته الما تعوف الثار
االساعدي
شاحجيلك ابيا حال خايب صرت وين!
لمن رحت لليوم ما نامت العين!
االساعدي
-
أشهدلك أصيل وتبقى وفاي
ولمعنه الصداقه انته الهويه
لكن باختلاف النيه والراي
لا تتوقع اتضيع القضيه!
كبلك لوعوني وعالوا اهواي
واشكد وزنت ضيم واذيه!
واضربلك مثل وتركز اوياي
منهم شاكفت باثنين اديه!!
وانته امعدل ابمعزوفة الناي
واتعين الوكع فوك الثنيه
ما يحتاج ابالغ واعرف ابهاي
هم غزي وربات الناصريه
االساعدي
-
الزهره مخصوصه الك وانتم فرد عايله
يامن ترد الشمس وترد زمر عايله
روحي التحبك ليش تبعد عليها!
مافكرت خطار مره وتجيها؟
االساعدي
التعديل الأخير تم بواسطة ارجع يازمان ; 20/March/2017 الساعة 2:17 pm
الكلب ذاب اعليك يل ما دريته
عفته ابملامه ونوح جنك نسيته!
االساعدي
ماروعك ❤❤❤❤