هنا

[ارجع يازمان]

ما يكعد ابفد يوم حضي واعرفه
حلفته بالعباس جا بيش احلفه!
االساعدي

[ارجع يازمان]

يل مانم عليهم _بس نمه النه
واحنه الما حجينه_بسنه منه
هذا اليوم صوره_ بسنه منه
والراسلها اخذناله تحيه!
االساعدي

[ارجع يازمان]

يوميه انتظر والشمس الغروب
واترك عالبحر كل الهواجس

,وارسم عالرمل شوك اليحبون
ونقهرن عَلي حته النوارس!
الساعدي

[ارجع يازمان]

مهمومه كلش بيك يل ما تهمك
كلما اضيع الروح والكاها يمك!
االساعدي

[ارجع يازمان]

لمن عفتني ورحت
ماتدري بيه اصار!

ضليت اجدي الخبر
عنك وعقلي احتار

ويه المجدي صرت
جار ويواسي الجار!

هو اليجدي الربع
وانه الأجدي اخبار!
االساعدي

[ارجع يازمان]

وارسملك رسم كلش خَيالي
وانه ابومضتك ضايع خيالي
يا رسمك ولا فارك خيالي
حسبالك كمر مابين اديه!
االساعدي

[ارجع يازمان]

الليل ساكت
وانه بالونات أصيح!
كلها نامت والدرب ضل مستريح
كلها نامت
عرفوا الحل الصحيح
وانه لو
اغفه ابثواني
أصرخ ابدمعه التطيح
االساعدي

[ارجع يازمان]

لا ياصديقي اشبيك شنهي القضيه!
اتصل بيك اهواي مترد عليه!
االساعدي

[ارجع يازمان]

لمن شفتها اليوم والضحكه لاحت
هاي الشمس عالكاع حسبالي طاحت!
االساعدي

[ارجع يازمان]

سمجه وتحب عصفور وين التقاها؟
لازم يشوف الموت يدخل وراها!
االساعدي