هنا

[ارجع يازمان]

جنك تريد اتروح تحرمني ملكاك--ماراح اكلك ليش! روح الله وياك-االساعدي

[ارجع يازمان]

شمات الينكطون سئلوني بهداي
وشتنتظر متموت؟ كتلهم اهواي!!
الساعدي

[ارجع يازمان]

وانه بفراش الموت حضرولي شمات
والبره صاح ابصوت بشرونه لو مات!
الساعدي

[ارجع يازمان]

هو انته لو تنسي
جان ابتعد وانساك
الكلب هو السبب
عافاني وتلكاك!

نسيانك
اشكد صعب
مابيه اعوف الكلب

ومابيه اضل وياك!
يمته
ابتعد
وانساك!
االساعدي

[ارجع يازمان]

الاهم ويه الهام والهموا اهناك
ما اهم بيهم يوم كون انه وياك!
االساعدي

[ارجع يازمان]

كلهم ابصف العين بس انته بيها
تلكه اشكثر دمعات والعب عليها!
االساعدي

[ارجع يازمان]

وين اشوفك!
دورت بيك الدروب
يامشيتي
التسحل ابكل الذنوب
انته
رايدني
اعوفك
وانه ما اكدر اتوب!
وما اتوب!
وووين
اشوفك!
االساعدي

[ارجع يازمان]

قابلهم احسين وزامط ابعباس
كاللهم اشحده اليثبت اهنانه

هذا ابن الصميده المايطخ الراس
ابن ام البنين البسمه فرحانه

ميهمني يزيد وثلة الانجاس
مازال الكمر بالساحه ويانه

ينسد الهوه وتتكطع الانفاس
عباس النزل تشهدله دنيانه
االساعدي

[ارجع يازمان]

-
دورت كل الدروب وما لكيتك!
مالكيتك!
جانت ابشفتي ابتسامه ضامها وبيها اعتنيتك!
شفتك ابدرب الشماته
وحيل تضحك!
مادريتك!
مادريتك!
كلت حزنان ابغيابي! اشكد غشيم وحسبيتك!
ضيعت مني ابتسامه
اهواي مشتاكه المشيتك!
وجبت دمعات الملامه
اشورطاني وليش اجيتك!
كالوا
انسه الما يحبك
كلت احبه وما نسيتك
كلها
صاحت
ما يريدك
جذبيت الناس كلها
وصدكيتك!
االساعدي

[ارجع يازمان]

وديت خطابتي وصار الرفض وياي
مرتين رفضوا هلج عالوا عليه اهواي!
كالولي لازم قصر وسياره رايح جاي
وفلوس كون اشكثر خاطر نثبت الراي
كالولي راعي الغنم ماعنده غير الناي!
حسين الساعدي