هنا

[ارجع يازمان]

انه اعيوني للطيبيين وديت
وبكل الموده انوب وديت
وافصلهم فصل مبخوت وديت
اذا مروا وما اخذ تحيه!
االساعدي

[ارجع يازمان]

ومدوهن عليك اشلون ودهه
والروح الفلا ينقاس ودهه
ياخويه واجتك كوم ودهه
اضنها اتحزمت للناصريه
االساعدي

[ارجع يازمان]

يايوم الامر للدار وادنه
ونسولف شعر وبشوك ودنه
ودنه يازمان ابساع ودنه!
لايام الوفه الضاعت عليه!
االساعدي

[ارجع يازمان]

ما انسه اليبيين وده اليه
وبيوم المفاصل وده ليه
ياوكتي ابتسامه وده ليه
وطلبها ابفاتحه وعركه وقضيه!!!
االساعدي

[سارهـ الطائي]

افتتاح موفق صديقتي

[سارهـ الطائي]

تنيتك عالبحر وي شمس الغروب
ازرعت عالروج همسات وهواجس
وصحت ابصوت من بحاته مَتعوب
وعلى حالي بجت حتى النوارس


حسين الساعدي

[ارجع يازمان]

-
عينك ترجف اعضاي وبخزرة العين
حسبالي داعش جاي كض السجاجين!!
االساعدي

[ارجع يازمان]

لا تلجم المغدور جرحه ابمكانه
مايشفه لو للموت جرح الخيانه!
االساعدي

[ارجع يازمان]

شعرك حرير ايطير وشلون المه
وانته الهوء ومجبور كل يوم اشمه
االساعدي

[ارجع يازمان]

حلفوا بالملح ربعي ويفوتون
وياي اعله خطوات المنيه!

وانه الجنت اظنهم ما يخونون
واثاريهم سوه اتفقوا عليه!!!
االساعدي