نصبت
روحي عَزاء ابنص الليل نصبت
لأن روحك عداوة اوياي نصبت
ابتوت الكَلب بادت بقى نص بت
الصبح ما ظنتي اتلحك عليه
نصبت
روحي عَزاء ابنص الليل نصبت
لأن روحك عداوة اوياي نصبت
ابتوت الكَلب بادت بقى نص بت
الصبح ما ظنتي اتلحك عليه
كَبرنه
بعدنا ازغار بس الهَم كَبَرنه
ولا متوالم اويانه كُبُرنه
اشلون ابغربة لو حفروا كَبُرنه
كَبُر ضايع غَريب وماله جيه
خَله
هسه لا تلوم الكَلب خَله
تَراه مَجروح والجارحه خِله
وصارت بيه ابطعنت غدر خله
بس ايطيب صُب لومك عليه
ومضة
خوش سابوح
كَلتله الشط غَميج واَسمع الراي!
كال اني الافوجه احسبني بطه
وصار اسبوع ما طالع إمن الماي
غَط من يومها وهالغطه غطه
حيره محتار ابزماني---كَلي وين الكاك اني
أنته يل وجهك شمس
وشوفتك زفة عرس
كاعد ابدربك وأتاني
حيره محتار ابزماني
-----------
ياغزال البلجزيره
هَيم إاصكور الجَبل
أيست والحيره حيره
ما بقه عندي أمل
ضيعت حتى العشيره
لأجلك وعفت الأهل
عفت كل ناسِ اعله شانك -وأنته شَحيت ابحنانك
شووف يعني اشكَد أعاني
حيره محتار ابزماني
------------
يأمل روحي العليله
يادوء الكل الجروح
عمري يتعوض ابليله
لو ورد خدك يفوح
ليش والرادك دَليله
اتوصله نص دربه وتروح
ليش عايفني ابملامه -الشامت ايغثني ابكلامه
ايكول محبوبي نساني
حيره محتار ابزماني
---------------
حيره محتار ابزماني---كَلي وين الكاك اني
أنته يل وجهك شمس
وشوفتك زفة عرس
كاعد ابدربك وأتاني
حيره محتار ابزماني
المشاركة الأصلية كتبت بواسطة عمو ساكه
ذووق ررائع بكل المنشورات النشرتهن بقلم حسين الساعدي
شكرا لروعتك
رد لا تخلي الروح بين اليكرهون
شافو هذاك اليوم دمعات العيون!
االساعدي
هو البخت لو مال راواك الهموم
تزرع ورد بالكاع يطلعلك الثوم!
االساعدي
التعديل الأخير تم بواسطة ارجع يازمان ; 12/June/2017 الساعة 8:24 am
خلينه اصدقاء وعوف الاشواك
بعد بالك تكلي اهوايه مشتاك!
مخنوكه المشاعر خنكة الروح
أخافنها تموت ابطول الفراك!
االساعدي
حاير شعض شفتك الجوه مدري الفوك! ما ادري اعضهن سوه وبس السان ايضوك! كلش خذاني العشك وانفجر بيه الشوك مثل الفقير اليحب يتسوك امن السوك! لكن فقير ورجع شايل هوه المخنوك! دورتك ابهل عمر شفت العمر مبيوك! كلمة حبيبي انمحت جانت عليك اتلوك! جانت عليك اتلوك!