لا تسألني حالي اشلونه يالون!
تعال ابدمعتي ارسملي ابتسامه
على اصدور الاباحه انزرعت اعيون
ومحد عاين الحال اليتامه!!!!
لا تسألني حالي اشلونه يالون!
تعال ابدمعتي ارسملي ابتسامه
على اصدور الاباحه انزرعت اعيون
ومحد عاين الحال اليتامه!!!!
تنيتك عالبحر وي شمس الغروب
ازرعت عالروج همسات وهواجس
وصحت ابصوت من بحاته مَتعوب!
وعلى حالي بجت حتى النوارس
الوطن لو تبجي عينه لا تلومه
على المافرحت وضلت حَزينه
فدوه الها شلع كل الحكومه
هاي امنا العراقيه الحنينه
لا تسألني حالي اشلونه يالون!
تعال ابدمعتي ارسملي ابتسامه
على اصدور الاباحه انزرعت اعيون
ومحد عاين الحال اليتامه!!!!
تنيتك عالبحر وي شمس الغروب
ازرعت عالروج همسات وهواجس
وصحت ابصوت من بحاته مَتعوب!
وعلى حالي بجت حتى النوارس
حسين الساعدي
لا لتموت!!
حسين الساعدي
::::
ليش اتموت؟
حته اتراضي اليعزون؟
أخاف ابجادرك وبغِيبتك يبدون!
ويحركون كَبرك
لمن ايضحكون!
تدري اشلون؟
لا لتموت
وأعلمنك طريقه ابموتت المبخوت
هسه وحضر التابوت
ولو شفت الشماته اتفوت!
مَثل دورك اويه الموت
وتدري اشلون؟
لتغمض اثنين اعيون!
خَلَك عين وحده اتراقب ابسكوت
حته اتشوف بيها وما يفوت الفوت!!
وتصرخ صوت
وبصوتك ترج الكون
من اتعاين الشمات
ويه احبابك ايركصون
حته ابكل قناعه اتموت
ااالساعدي
ايكَولون باجر شمس تطلع على الديره
ويمر قطار العرس ياخذ نواطيره
ونتعلم البسمات
ونودع الدمعات
ويروح ضيم الأمس هوَ وتصاويره
ايكَولون باجر شمس تطلع على الديره
وين الله ننسه القهر ياواحة الامال
من بعد ذاك الصبر تتعدل الاحوال!
ياليل جيب الصدى من يصدح الموال
وَصلَه ومضة أمل للعايش ابحيره
ايكَولون باجر شمس تطلع على الديره
ماله مضيف الكرم شو دمعته ابعينه
ابلا كَهوة بس الدمع تارس فناجينه!
يازمن وك يازمن للماضي رد بينه
الريحة اَهلنه وطن طار ابجنح طيره
ايكَولون باجر شمس تطلع على الديره
واقع وَكِتنه وَكِح عالمنه مو عالم
المظلوم من انذبح صَفكَوا للظالم
والفوز للما نجح! والدمعة للفاهم!
والضحكة طلعت جذب وانغشت الليره
ايكَولون باجر شمس تطلع على الديره