هنا

[ارجع يازمان]

اشكد بخيل
اشكد بخيل
اليترك اعجاب ويروح!

يقرأ كلشي وما يعلق
بس يكلب بالجروح!!!

ضايع الاحساس منك
عايف الورده التفوح

كون ياجرح اليعجبك
تكعد اكباله وتنوح
مو تروح!
االساعدي

[ارجع يازمان]

أكبر هضيمه العوز لو طك العيون
وتمد اديك الناس جانوا يجدون!
االساعدي

[ارجع يازمان]

ما اجازف واعتني الدرب الغرام
جربت مره وخسرت العافيه!
االساعدي

[ارجع يازمان]

-
دوريتك
واسحل الخطوه الحزينه
مالكيتك
والكلب يسئلني وينه!

وينه حلمك هسه وين!
ماخذ اسرار السنين

وصفيتك
يم عصافير المدينه
هلبت ايدورن عليك
ابغيمه وتردك علينه
والعصافير
الخطيه
اتأثرن كلش عليه!
كالن انسه
وبلكي تنسه
وما نسيتك!
ما نسيتك
االساعدي
---------------------
مساجله
؛؛؛؛؛؛؛؛؛؛؛؛؛؛؛
أنه الونيت والونه جبيره
أنه الونيت
بيدك صوبت كلبي وجرحته
متقصد تجرحه و ما رحمته
وجتالي صرت يمعود انته
وجتالي صرت يمعود انته
حضر فصلك وجيب العشيره
وأنه الونيت والونه جبيره
أنه الونيت
ااالساعدي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
مريم
نصحتك وانته ماخذت النصيحه
اجيت وعاينت عيني الوكيحه
وروحك بلدرب طاحت جريحه
وروحك بلدرب طاحت جريحه
عفتها اتروح ياروحك أسيره
وأنه الونيت والونه جبيره
أنه الونيت
مريم
؛؛؛؛؛؛؛؛؛؛؛؛؛؛؛؛؛؛؛؛؛؛؛
شفتج بلحديقه إوكلت ورده
ما أدري الورد هيج ايتعده
شميته وصفت هالشمه شده
شميته وصفت هالشمه شده
شميته ودخت والحيره حيره
وأنه الونيت والونه جبيره
أنه الونيت
ااالساعدي
؛؛؛؛؛؛؛؛؛؛؛؛؛؛؛؛
والشم الورد لازم يطلبه
يل ظنيت هاي الشمه لعبه
لازم تفتهم معنه المحبه
لازم تفتهم معنه المحبه
وجهك غاد عني لا تديره
وأنه الونيت والونه جبيره
أنه الونيت
مريم
؛؛؛؛؛؛؛؛؛؛؛؛؛؛؛؛؛؛
ياورد البعد ما بيه اعوفك
كون إمن الصبح باجر وَشوفك
وموتن كون ما تسمح ضروفك
وَموتن كون ما تسمح ضروفك
خبر عاجل تسمعه اعله الجزيره
وأنه الونيت والونه جبيره
أنه الونيت
ااالساعدي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛
علامك مستعد للشر علامك
كاسر خاطري ابعبرة كلامك
صفي النيه يحسين ابغرامك
صَفي النيه يحسين ابغرامك
بلورده التشمهه ابهل ضفيره
وأنه الونيت والونه جبيره
أنه الونيت
مريم
؛؛؛؛؛؛؛؛؛؛؛؛؛؛؛؛؛؛؛؛؛؛؛
وبحب الزغيره اشورطاني
عمر تسعين عده وشايب اني
يم الورد ما أدري اشخذاني
يم الورد ما أدري اشخذاني
ويشل الحال ياعشك الزغيره
وأنه الونيت والونه جبيره
أنه الونيت
ااالساعدي
؛؛؛؛؛؛؛؛؛؛؛؛؛؛؛؛؛؛؛؛؛؛؛
أرجعك شاب ونته ابعز شبابك
وَصيرلك كمر يضوي اعله بابك
وأضحكك حيل وتودع عذابك
وَضحكك حيل وتودع عذابك
مثل تلميذ وتنجحه المديره
وأنه الونيت والونه جبيره
أنه الونيت
مريم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛
الى اللقاء في مساجلات قادمه مع اجمل التحايا

[ارجع يازمان]

ليل ومطر والذيب جوعان اجاني
كل هذا وتعنيت للفزعاني!
االساعدي

[ارجع يازمان]

فاركتني ابكل رهاتك
دوست فوك الجروح

واجب اترجعلي روحي
لازم ابيوم التروح!

انته روحين ابمشيتك
وانه ماتبقالي روح!
لا تروح
االساعدي

[ارجع يازمان]

ما يتشكر المفروش بالحاك!
واشكد ماتلح ماجبت بالحاك
غير الدمعه والشيبات بالحاك
وبشيب الكلب جبت المنيه!
االساعدي

[ارجع يازمان]

يل ما تودي الصور- خايب ولا تعتذر
اشتاك الك بالنظر
وانظر الضي الكمر
واتمتع ابشوفتك ويروح كل القهر
لو بالنهار اعتصر
واتحسر الشوفتك
امشي وازور الورد واكعد واشم العطر
االساعدي

[ارجع يازمان]

من الطلبات الخاصه!
انه ما جيت ابطمع والله الشهيد
يا ابوها وشيلها امن احسابك

انه غير الستر كلشي ما اريد
وبحضورك انته مو بغيابك!

ما اجيت امن الظلام المو اكيد
جبت خطابه واجيت البابك!

هيه بتك والاصل مرت الشهيد
استر اعلينه وتكف اعتابك!

لا تصدك كلمة الواشي العنيد
واليشوه السمعه راد امصابك!

انه ابنكم امر ابشنهو التريد
لا تكلي اعلينه ياهو الجابك!
لا تكلي اعلينه ياهو الجابك!

[ارجع يازمان]

من الاول ما اجيت
هسه جاي اتريد احبك!
انته حيل اتاخريت!
االساعدي