هنا

[ارجع يازمان]

ماعدكم خبر علشال! وين شال!
ياكلبي ابونينه انعاب وانشال
انطك اثنايا الكاع وانشال
لحد ماساوت الحفره عليه!
االساعدي

[ارجع يازمان]

لجلك عفت هالناس واكع شفتني
شو انته كبل الناس رحت وعفتني!
االساعدي
هذا الفقر تلكاه بس ابلدنه--والمشكله الخيرات موجوده عدنه!!--االساعدي

[ارجع يازمان]

ياريت البكلبك وده ريته
انه الفرح كله ودريته
حتى الما دريته والدريته!
اطيحهن سوه ابجيتك عليه!
االساعدي

[ارجع يازمان]

لوما حجيت اتموت تبقى ابعذابك--هالنظره هاي اشلون باكت شبابك!--االساعدي

[ارجع يازمان]

ما ادري الدليل اشذاب وشمال
​وبلف الزمان ايمين وشمال
يامال الاخو الما نصح وشمال
محبوبي الكطع جيته عليه!
ااالساعدي

[ارجع يازمان]

عايل عله الشيبات زيج التفتحه!!
بيك الكمر مرسوم لازم تمسحه!!
االساعدي

[ارجع يازمان]

مو قسمتي وللموت ما راح الاكيك --لكن عنيده الروح وتعلكت بيك!-االساعدي

[ارجع يازمان]

والكعبه حُبك صار مثل الهوه المار--اختنك لو ماجيت وتموت الاعتذار!

[ارجع يازمان]

الشيخه هيه اتروح تندل اهلها-مو كل لبسله اعكال كال انه احلها!--االساعدي

[ارجع يازمان]

جانت عندي مريم تنبض احساس
وعفت الناس والخاطر مرامي

هو العنده مريم شله بالناس!
مريم عادلت كل الاسامي

جنه امعاهدين الكطع الانفاس
أوافي الشوكها وتوفي الغرامي!

انكول الشعر وبكل الاجناس
وشحده الشعر ينكر كلامي!

يامقياس حُبي الماله مقياس
واسنين الهوه ايودي ابسلامي

لكن والزمان الشيب الراس
اجاني الوردتي وزيد هيامي

لازم عالورد موجوده حراس
والكل ورده يتوكل محامي

ميصير الورد بالكوه ينداس!
والداس الورد ذاك الحرامي
اجروحي