هنا

[HaylaNour]

جميل الله يوفقك

[ارجع يازمان]

هزيته واهتزيت واهتزت الكاع
واتذكريت اهواي وبيوم الوداع!
االساعدي

[ارجع يازمان]

اشكد خطيه
السهر اعيونه اعله باجر ينتظر لاحبابه جيه
وقبل لا همه يجونه اتلاكه باحضان المنيه!!
اشكد خطيه!
االساعدي

[ارجع يازمان]

فَكر ابعقلك زين لا تكمز ابساع
لوما الك جنحان متعذرك الكاع!
االساعدي

[ارجع يازمان]

جواب على عركة الاب والجد!

،،
بالحالتين اتصير ضدي المصيبه--جد وابو تحتار ياهو التصيبه!--االساعدي
__
حاجوز اصير ابهاي وبهذا حدي--لا للابو فزاع لا ويه جدي!-االساعدي
-
انه وابوي انبوس جفه ونراضيه-- جدي واعرفه اهواي كل البخت بيه--االساعدي
_
تاج الابو اعله الراس صار ابقياسه--وجدي لابوي ايصير تاج اعله راسه!--االساعدي
_
لا تفزع انته ابهاي وتحاجز ابحك--جدك وابوك اعزاز وتحمل الطك--االساعدي

[ارجع يازمان]

شفت اهواي
وعفت اهواي
بس ما شايف مثل اهواي!

عطشان واروه ابضحكاته
وحسبالك اشرب بالماي
االساعدي

[ارجع يازمان]

صباحات ساعديه
،،
صباحات الورد لاعضاء الكروب
أحبكم واليحب ما يكدر ايتوب

واحد واحد انصبح عليكم
وانطش الورد مابين اديكم

ومزروعه العيون ابكل الدروب
صباحات الورد يا اجمل اكروب
االساعدي

[ارجع يازمان]

ما تنساها ابكل احساسك
تصعد تنزل ويه انفاسك
ياطعنه
المن اقرب ناسك!
هيه ابسرعه اتشيب راسك!
االساعدي

[ارجع يازمان]

لو تسئل اعله افلان شنهي ابحياته؟
اعرف اصحابه ابساع تعرف صفاته
االساعدي

-------
راحن ابذاك السوك ضايع نضرهن
باعن اهناك ادموع نازل سعرهن!
االساعدي

[ارجع يازمان]

لا تسئل اعله الحال وين العوافي
بسطت بالملبوس كم امشي حافي!
االساعدي