أكدر أقنع العين ماتبقه وياي-
لكن جنون الروح مايقنع ابهاي!
االساعدي
أكدر أقنع العين ماتبقه وياي-
لكن جنون الروح مايقنع ابهاي!
االساعدي
يبنادم انه ابهاي متعني أوصيك
بالك تخون ابيوم بالأمنوا بيك!
االساعدي
الله الفارضك يا نبعة الاطهار
الكعبه الجابتك نتوجه اعليها
ياراية محمد ياعلي الكرار
مرفوضه الصلاة الما تلاكيها!
االساعدي
لتسئلين!!
بس ركزي ابرسوم العين!
رايح كلشي تفتهمين!
لتسئلين
االساعدي
حبيناك يا ابو حسين
وانته ابحبك الجنه
ما ننطيها والعباس
هاي الجنه بس النه!
االساعدي
مساجله بيني الشاعر منذر الدراجي
و الشاعر حسين الساعدي بحسب
الموضوع في سنة 2013
ـــــــــــــــــــــــــ ــــــــــــــــــــــــ
11) الشاعر حسين الساعدي
صَديقك لو تقدره ---لا تعيره
ثكيل واله وزنه------لا تعيره
وِإذا ذيب استعاره---لا تعِيره
تمسك بالوفي لو للمنيه
""""""""""""""""""""""""""""""""""
22) الشاعر منذر الدراجي
موقصدي اذله ردت اكله
والي انطيته بديهم ردته كله
اذا خيمة اصيرله ردته كله
وكت عرسي ونامن تحت فيه
""""""""""""""""""""""""""""""""""
33)الشاعر حسين الساعدي
النصيحه واضحه كلش وبيَنه
المفرروض اتصير ما بينك وَبَينه
احنه الغلط من عدنه وبينه
تركنه العشره ذيج الأوليه
""""""""""""""""""""""""""""""""""
44)الشاعر منذر الدراجي
حسين الصاحباني مااذله
مثل عطشان صاير ماءذله
صديقي الي تركني مائذله
روحه ولو يرد الروح بيه
""""""""""""""""""""""""""""""""""
55)الشاعر حسين الساعدي
أبد ما تكله غيره لو تهده
وترى الانسان يربح لو تهده
وترى سور الصداقه لو تهده
تخسر كل وَفي وروحه حميه
""""""""""""""""""""""""""""""""""
66)الشاعر منذر الدراجي
شتظن صاحبي من اطيك كتله
ما عيــرة اذا بكل يــوم كتـله
اشوفه يطش على الشمات كتله
شكد ابالك واكثر شويه
""""""""""""""""""""""""""""""""""
77)الشاعر حسين الساعدي
مو كلهه سوى ربعك ولا هَم
بيهم يمك الغيرك ولاهم
ويركضولك لَون هالهم وِلاهم
هذوله اصحاب غايه ودنيويه
""""""""""""""""""""""""""""""""""
88)الشاعر منذر الدراجي
بعد ماكول انه انا شطيت وشراح
:: واعير بأسم هاذ وذاك وشرح
الك جسمي وبجفك موس واشرح
::: ما حسن بجفك بيه اذيه
"""""""""""""""""""""""""""""""""""
99)الشاعر حسين الساعدي
اخذ كلبي ابهوى الطيبيين شرحه
وَفي ولو شرح للصحبان شرحه
حيل انشرح كون اتشوف شرحه
من سَر الصديق ابكل قضيه
"""""""""""""""""""""""""""""""""""
100)الشاعر منذر الدراجي
الصاحب كدر عنده من كدرنه
وماننسه وكفته من كدرنه
اذا مرة فزعنه منكدرنه
وحك حيدر علي حامي الحميه
""""""""""""""""""""""""""""""""""
111)الشاعر حسين الساعدي
روحي إبملكة المحتاج فرهه
لون حالته الصوب العسر فرهه
وإذا اترهيت بلتمكينفرهه
بس لتعير ابهاي القضيه
""""""""""""""""""""""""""""""""""
122)الشاعر منذر الدراجي
اذا صاحبك زين لتغار منه
اكرمه ولاتحسب الكرم منه
تدري شوكت هاذا انساه منه
يشوفوني نعش فوك الوطيه
""""""""""""""""""""""""""""""""""
133)الشاعر حسين الساعدي
إذا وصلت هديه ابيوم منك
أبد لا تمن بيها عيب مَنك
تمنيت الستر وانطاك مَنك
واستره اللي طلب منك عطيه
""""""""""""""""""""""""""""""""""
144)الشاعر منذر الدراجي
طيبك هاذ انته الفاح مو لاه
وصديقك لو كرم سميه مولاه
انا منطيت لله انطيت مولاه
اعيره شلون محسوبه عليه
""""""""""""""""""""""""""""""""""
155)الشاعر حسين الساعدي
يسرهه الكريم ابخير يسراي
وما أدري اشوكت بالنعش يَسراي
باليمنه أنطي أبد ما تدري يَسراي
هَم عزه وثواب اتصير اليه
""""""""""""""""""""""""""""""""""
166)الشاعر منذر الدراجي
اعيره شلون احجي ابد لا ماه
وخيري ابذاك جفة يوم لاماه
اذا شببت نار الكره لاماه
اليطفيهة وتضل مشتعله بيه
""""""""""""""""""""""""""""""""""
177)الشاعر حسين الساعدي
ابشهر رمضان ربك منته شهره
وسيف الجشع تخسر من تشهره
الحاير لو انطيته من تشهره
اشهرت روحك وجبتلهه الاذيه
""""""""""""""""""""""""""""""""""
188)الشاعر منذر الدراجي
من سر الصديق العاد كرته
شال بجفه مال وشال كرته
ماقدرة بعد تقدير كرته
لبسته وبعد قافل عالقضيه
""""""""""""""""""""""""""""""""""
199)الشاعر حسين الساعدي
تنهشن ليش بالطيبين ينياب
وليش الزين بالموزين ينياب
عقلي الجان ثابت شوف يَن ياب
ابسبب من جازوا الطيبه ابرديه
@@@@@@@@@@@@@@@@@
:::::::::::::::::::::::::::::::::::::::::::::
ولكم كل التقدير للمتابعه اخوكم
الشاعر منذر الدراجي تحياتي @
الليل لو يستحي جا مايبوك الشمس!
االساعدي
هو اليكض الكمر
شله غرض بالشمس!!
الليل كَطعت مهر
خطبه ابوراها العرس!
االساعدي
مايحس
كلش نحس
بفلوسه جاب الشمس!
كاطع عليها النفس
جثه وخذوها ابعرس!
االساعدي
-
الليل غطه السلف
ضاعت اخبار الشمس
لو نلتقي بالنجف
لو نلتقي بالعرس!
االساعدي