هنا

[ارجع يازمان]

ياماخذ عمري وناسيني
هسه اترجع كل اسنيني
والعين
ودمعات العين
والضحكات
الراحن وين!
يارايح ومسهر عيني
هسه اترجع كل اسنيني!

::::::

ميصير اتفرهد ضحكاتي
وتعذب كلبي المجروح

وعيوني اتعاتب دمعاتي
واجروحي اتعاتب بالروح!
ياهو المثلي
ايضحي ابروحه
ويعوف
الدمعه المفضوحه!
فوكاهه اتريد اتجافيني!
هسه اترجع كل اسنيني
االساعدي

[ارجع يازمان]

الجلب يوفي اوياك حد المنيه
والصاحب امن اطيح كال اشعليه!!
االساعدي

[ارجع يازمان]

من تغيب اعذر غيابك واختلق كل الضروف
لو يسئلوني اكلهم أبد ماينسه ويعوف
ما نساني وتوني شفته رغم اني ما اشوف!
انعميت ابجر دمعتي التنزل ابحد السيوف!
االساعدي

[ارجع يازمان]

ما ألومك
هيه روحي اتعلكت كوه اعله بابك
ما الومك
هيه تصنعلي ابتسامه
حته ما احجي ابعذابك

هيه روحي الشيبتني
وانته باقي ابعز شبابك!
ما الومك
االساعدي

[ارجع يازمان]

خبصونه بام عشرين وام الثلاثين!
وام اربعين اتكول عطر الرياحين
االساعدي

[ارجع يازمان]

ام اربعين اتلوك وبذاك الاحساس
شلك بام عشرين وبدوخة الراس!
االساعدي

[ارجع يازمان]

ام اربعين التين وسط البساتين
لا تكرب ام عشرين وام الثلاثين
االساعدي

[ارجع يازمان]

ام اربعين اتصير تاج الزعاطيط
والزوري ما ينراد جيب الشبابيط
االساعدي

[ارجع يازمان]

ام اربعين اتصير لجلك محامي
لكن اويه ام عشرين شغلك حرامي!
االساعدي

[ارجع يازمان]

ام اربعين اتجيب كل الهوه الهاب
وتضيعك ام عشرين يعني 4 ارهاب!
االساعدي