هنا

[ارجع يازمان]

يلحادي مدري اشبيك ما ردك الصوت
عاد ابطريق اهواي حضرلي تابوت!
االساعدي

[ارجع يازمان]

يلحادي هذا الليل جلجل علينه
عود الصبح لو صار روح امندينه!
االساعدي

[ارجع يازمان]

يالحادي اشوفن بيك كل القساوه
جنك تطالب ثار ليش العداوه!
االساعدي

[ارجع يازمان]

الحادي راح ابعيد مستعجل ابساع
وانه ابركض مجنون ماكضته الكاع!
االساعدي

[ارجع يازمان]

يادهري بسك عاد كافي الاذيه
حته الالي محسوب صاير عليه!
االساعدي

[ارجع يازمان]

كون الوفه موجود والحُب نجيبه
ماكو محبب بالكون يهجر حبيبه!
االساعدي

[ارجع يازمان]

تانيني ياجمال حيل وصحت صوت
كالالي ما تانيك لو اعرف اتموت!
االساعدي

[ارجع يازمان]

يلحادي هم سمعيت واحد نسه اهواه!
لتكلي عوف اهواك ما اكدر انساه!
االساعدي

[ارجع يازمان]

يل حادي هذا اليوم ضايع مرامي
خليني اودع اهواي باخر كلامي!
االساعدي

[ارجع يازمان]

الفرق بينك وبيني
الواقع ايكول ابصفاته

ياما منتظرك تجيني
والجرح فارش عباته

بالعتاب وتعتنيني
وكلمن ايهد ذكرياته

انه ظميتك ابعيني
ورخصت عمري ابغلاته

وانته عايفني ابونيني
وذابني ابين الشماته!
ذابني ابين الشماته!
االساعدي