هنا

[ارجع يازمان]

وين الله ويجيج اوليد
وباسمي وتسمينه

وكلبج يلجم كل يوم
يوم اللي تنادينه

هذا الجنه نحلم بيه
لكن ما تصافينه!!

رايح صورتي اتشوفين
مرسومه ابوسط عينه
االساعديَ

[ارجع يازمان]

هاك الدمع كله وانته صبه
ونبلط دربهم وانته صبه
انه اسلام اهلها وانته صبه
وعلي ينطونك المنعوه عليه!
االساعدي

[ارجع يازمان]

مجنون انه ابفركاك ومسهر العين
والدنيا مدري اشلون ويه المجانيين!
االساعدي

[ارجع يازمان]

بين السمع والشوف جفك علامه
لا تظلم وبعدين تلكه الندامه!!
االساعدي

[ارجع يازمان]

يا للعجب
يا للعجب !!
شفت الذهب يلبس ذهب
بس طول عمري ماشفت بالورد ويشيل الحطب!!
االساعدي

[ارجع يازمان]

ذب الدمع ونشوف يادمعه يفلان
هاي التجوي الكاع والبيها دخان!
-
زين انته بس عريس ماتعرف اشلون!
بالزفه من ونيت صاروا يلطمون!
االساعدي

[ارجع يازمان]

ياكلبي اليطلع وجره منه
وانه الاقسه منه واجره منه
وبسجين اكطعه واجرمنه
اذا ما يترك ادروب الرديه!
االساعدي

[ارجع يازمان]

اريد اليوم اخذ كله منه
واكله ابضيم كلبي كله منه
هاي اعيوني لمن كلمنه
مانامن بعد صبح ومسيه!
االساعدي

[ارجع يازمان]

والعباس افوت ورافع الراس
واضحك واقهر ابوجه المأسي

واتحده الزمان الكطع الانفاس
وما اصير احتياط انه الأساسي!
االساعدي

[ارجع يازمان]

الطم وارج الكون واكلبها عاشور
واصرخ واكعد انوب حته البلكبور
االساعدي