هنا

[ارجع يازمان]

كتلج صباح الخير بس الكلب راح
مهموم اجاج اليوم ويريد الافراح
االساعدي

[ارجع يازمان]

كلبي ارد اكصه اليوم وبعبوه اخليه
هلبت يعوف الجان يلعب لعب بيه!
االساعدي

[ارجع يازمان]

زلزال الك بالروح ذباني يمك
حته الكلب هاليوم سجلته باسمك
االساعدي

[ارجع يازمان]

زلزالك انته ايهون زلزالي بلوه
يوميه لاهل اهواي ياخذني كوه!-
االساعدي

[ارجع يازمان]

والنعم كلكم زود يا اطيب الناس
بيكم اباهي الكون وبهذا الاحساس
ااالساعدي

[ارجع يازمان]

أأأخ اشوكحها اتصير يادمعة العين
لو سئلوا الشمات ولفك مشه امين!!
االساعدي

[ارجع يازمان]

من باكو وطنه ماتهمنه
يعرف هالسوالف ما تهمنه
مهمومين لكن مات همنه!
من عدنه انتخاب السرسريه!
حشى السامع
حسين االساعدي

[ارجع يازمان]

ما اهتم بعد للمهم والهام
والوهس يجيني ابشعر والهام
بس هيهات اذل النفس والهام
مرفوعه ابخت حامي الحميه
االساعدي

[ارجع يازمان]

ياكل أكولن بعد ها يوم
والغربه التخلي الكلب هايوم
يامحله الصبح لو صحت ها يوم
واعاين عالشمس تجبل عليه
االساعدي

[ارجع يازمان]

احنه ابهل سره الكم طبكنه
واشلون الزمن طبكه طبكنه
واهناه يختلف عنكم طبكنه
عاشور اليمر مابي رقيه!
االساعدي