هنا

[ارجع يازمان]

ياعراق اتهون هالشده وتزول
راح ترجع يا عراق ابهيبتك

النصر النه وحك فحل الفحول
وراية العباس صارت رايتك!
االساعدي

[ارجع يازمان]

-
ياحشد وحسين وانعاد الطفوف
رايد الناصر يضحي ابمهجته

وانته لبيت النداء ابهل الضروف
وابن اميه اليوم حار ابشردته!
االساعدي

[ارجع يازمان]

دخنه اويه الينشرون ويغلسون
أبد مامره شفناهم يعلقون!
ماكو حته الاعجاب!
ضاعت كل الاسباب
واحنه اعضاءنه بالربع مليون
ماشفناهم اويانه ويعلقون!
االساعدي

[ارجع يازمان]

هو الجرحني وراح يتشكه همه
وبدمي راوه الناس ماراوه دمه!
االساعدي

[ارجع يازمان]

اعزف يناي الحزن
محد بقه وياي!

ضليت اصيح واون
من ودعيت اهواي
االساعدي

[ارجع يازمان]

غركت الشطره ادموع متعجب اشلون!
انه الفجت لصين من دمع العيون!
االساعدي

[ارجع يازمان]

احله صباح اليوم ويه الهوه الهاب
لمن فتحت الباب لن ولفي بالباب!
االساعدي

[ارجع يازمان]

مايجونك
ليش باقي وتنتظر!
روح نام
اشبيك دمرت النظر!

همه حته من مشو ماودعوك
ليش ما تنساهم وهمه النسوك!

حيل قاهرني
وتدَورالهم عذر!
مايجونك ليش باقي وتنتظر!!!
::
انه مثلك ضاعوا احباب امن اديه
وضيعت عيني ابدرب يلعب عليه
مره يرسملي الاثر
واركض وماكو خبر!
ياحسافه اتضيع اسنين العمر!
مايجونك ليش باقي وتنتظر!
​االساعدي

[ارجع يازمان]

ما اجيت
اشكثر ناديت وصحت
والشماته ابنظره وحده
شو رحت!
االساعدي

[ارجع يازمان]

وبوجهي سد الباب وانه ابعذابي
ناسي اشكثر جيات عنده اعله بابي!
االساعدي