هنا

[ارجع يازمان]

لمن أ شوف العوز رايح أكله
بالك تجيب اوياي طاري المذله!
االساعدي

[ارجع يازمان]

لا تعاتب
والله ماتلكه الجواب
هاي وادم!
ابد ماتسوه العتاب!!

انته جبتلهم سعاده
وهمه جابولك عذاب!

شيبوك ابعز شبابك
راحت ايام الشباب!
االساعدي

[ارجع يازمان]

للاسمراني اليوم كل القوافي
وبشوفته اتشوفون معنه العوافي!

ياما كتبنه اشعار واولهم اني
كل الشعر منذور للاسمراني!
االساعدي

[ارجع يازمان]

وعيونه قناصات يرمي ابطريقه
واتحده اكبر جيش يصمد دقيقه
صدكني لو فد يوم يتلاكه وياك
رايح تطيح ابساع تتكهرب اهناك!

االساعدي

[ارجع يازمان]

اسمر وكيح العين بلوه وعجيبه!
وبيا كتر ينشاف تلكه المصيبه!

لو بالشته وبردان والاسمر الضيف
يرجع شهر تموز وبأول الصيف
االساعدي

[ارجع يازمان]

فلفل يلاسمر حار وخدوده جمار
شايف ثلج فد يوم وتوالم النار؟
االساعدي

[ارجع يازمان]

عطر الورد شميت وي فكت الباب
أأخ اشعمل بالروح ياعطر الاحباب!
االساعدي

[ارجع يازمان]

عودت روحي ابغيابك
وافرح ابعد الثواني!

تالي جابتني اعله بابك
وانه حسبالي ابمكاني؟
االساعدي

[ارجع يازمان]

كلها التمر ايجار ساعه ابنهاري
وانته الملكت الروح طابو عقاري!
االساعدي

[ارجع يازمان]

انه مرت بيه هاي السالفه
والظنون اويه العقل متخالفه!
ذايب ابشمة عطر
وماشفت حتى الصور!
والدموع ابعيني كلش خايفه!
انه مرت بيه هاي السالفه!
االساعدي