هنا

[ارجع يازمان]

انه الاقبل ابوحده_ولك جوز
واقبل اخذ الكشره _ولك جوز
بس ابطبعك القاسي_ ولك جوز
لتجيب القهر وذب عليه!
االساعدي

[ارجع يازمان]

ياسيف المجرب___ لا تجربه
والصح يم الاجرب __لا تجربه
لا يجرب ويخرب!__ لا تجربه
لتقيس الثره ابسعر الثريه!
حسين االساعدي

[ارجع يازمان]

كل الاثر ممسوح ضايع دربهم-همه النسوك اشبيك بعدك تحبهم!-الساعدي

[ارجع يازمان]

لا تزيد ابصوتك وكف الصياح
الما يريد ايسمعك
ايغلس عليك!
االساعدي

[ارجع يازمان]

سوده ابصبغ دنياي وانه الفريضه
بالركي تصفى اوياي تطلعلي بيضه!
االساعدي

[ارجع يازمان]

سمعتك الونات وتكلي حلوه!!
ماعندي حظ وياك جا هيه كوه!

لو عندي حظ وياك ما ضيعيتك!
غيري اليشمشم بيك وانه السكيتك!
االساعدي

[ارجع يازمان]

كون الصديق ايصير تجوه الصديقه
مو بالغدر ويصير عثره ابطريقه!!
االساعدي

[ارجع يازمان]

لا تمشي لدكتور يل تسمع الصوت
جرح اليجي امن اعزاز يداوه بالموت!
االساعدي

[ارجع يازمان]

كون الفريضه ايكوم ضد اليعاند--لو طكت الجيلات مايبقه كاعد!-االساعدي

[ارجع يازمان]

ما خيطينه ابيوم ونشك الحلوك
كون البخت موجود متضيع الحكوك!
االساعدي