هنا

[ارجع يازمان]

الذكريات اتفوح من اليوافون--جنهم بقوا وياك واكبال العيون--االساعدي

[ارجع يازمان]

ماتدريني هيج اطباع شكره!
ماينصف ومر ايصير شكره
لا تنطر امن الغدار شكره!
واحذر بالظهر طعن المنيه!
االساعدي

[ارجع يازمان]

فاركيتك
قررت انساك كلش
حتى بالكلش لكيتك!
الحمد لله انسيت كلشي
وانته موبلكلشي لمن دوريتك!
انسيت كلشي
والحجي بيناتنه بس ما نسيتك!
مانسيتك!
االساعدي

[ارجع يازمان]

ونات المعاتب__ هدمني
جان الفرح بيدي_ هده مني
شاف الفزعاني__ هده مني
بس لمن طحت! دَوس عليه!
االساعدي

[ارجع يازمان]

عراقيين
عدنه الكاع اغله امن النفس بينه!
والدار ابمعزة الروح جي خطار يتعنه المحاجينه
امعزبين اشكثر والناس تعرفنه ابصوانينه
سفرتنه
النمدها
ابكبر دجله الخير
وبطول العراق وجرحه وسنينه!
عراقيين
سنه وشيعه متحزمين
وانطينه العراق ارواح من داعش دخل لينه!
تهجرنه
لان مانقبل ابداعش ولا نتعبد ابدينه!
وحك ابن الجنوب الصال والدمعه ابطرف عينه
مغتاظ ونزل ويكول جا وينه اليلاوينه!
مابعنه الوطن فد يوم
يادنيه وتعرفينه!
داعش
زور
العنوان
والسنه ابعناوينه!
صحيح المجرمين اوياه
ورفعوله ابسجاجينه!
لكن ما شريف الراح وتعنه الدواوينه!
كل سنة علي الزينين
رفضوا كل درابينه
هانت
ياعراق
الخير
ويرد الامن بينه
لكن
انقهر
لو يوم
اسمع بالعراقي ايكول
كل السنه مو زينه!
احنه
اخوان ياشيعه
وحق احسين ابو اسكينه
وحق احسين ابو اسكينه
االساعدي

[ارجع يازمان]

دفنت اهواي اجبال متعجب الكاع
ضمت بطنها اهواي ماخلت اسباع!
االساعدي

[ارجع يازمان]

كل يوم اكول ايعود وتشوفه عيني-- عفت االعمر عالباب ناطر يجيني!-االساعدي

[ارجع يازمان]

عود اكتب شعر واتعود انساك!
واسمك ينفرض وسط القصيده!
االساعدي

[ارجع يازمان]

جايني ورايدني اعوفك
من بعد كل السنين!
عيني
مارمشت
ابشوفك
وانته عينك مدري وين!
مدري وين!
االساعدي

[ارجع يازمان]

مو بيضه نيتيك اوياك تدريني يهواي
راية دواعش ليش رافعه وياي؟
االساعدي