لا تدخل الا ومعك شعر للشاعر حسين الساعدي-الجزء الثاني
السلام عليكم
نظرا َ لوصول الجزء الاول الى اكثر من 100 صفحه واكثر من 1000 منشور
نبداء ببركة الله ((الجزء الثاني)) بموضوع خاص لكتابات الشاعر المغترب حسين الساعدي
:::::
القصيده اكثر من 130 بيت وبقافيتين _بقلمي
:::::::::
يادمعي العنيد وحيل زعلان
ومعذبني طبعه! وبس يعاند!
يتهستر عليه و جنه سكران!
ما ينطيني عطوه إولا يماهد!
دمعي امشرشب ايوزونه عدوان
ويطبق فتاوي وهوَ فاسد!!!
حَشمت العرب وبصوتي تعبان
عذبني الدمع والباري شاهد!
ولفوك الجبل بخدودي نيشان
أحشم بالكرد و اهناكَه صاعد
عرب واكراد أحشم والتركمان
مسيح وصابئه وكلنا نعاهد!
لو هالدمعه تبقه اتكص الاغصان!
باجر لعنه وأكتب بالجرايد!!
يادمعه التطيح ابجف الاحسان
وما يحتاج أدونهه ابكواغد!
اذا ما فزعوا وخلوني حزنان!
أزعل وأرد اعاتب بالقصايد!!
راح انخه العشاير عندي برهان
كلمن ينتخي وشداله ساعد!__1
اليوم أرد احشم جان ماجان
وبشيبت بخت حد الولايد
ياساده واكول ابهاي الاوزان
يا أطهر نسب وانتوا العمايد
وين الساده وين الرفعو الشان
والشارتكم أنه اليوم !رايد!!
جا وين الرمادي إوين ميسان
وين ادليم اهلنه اللي تساعد!
نخيت الشمري البلزود عنوان
وبيوم الوغى! وكلهم أماجد
ناديت الصميدع وال خولان
مطلوب الامان وكلشي فاقد!
ونصيري وزامل وال هكشان
ومطوري ومشاجع ! لِتساند
والخزرج خزاعه وال فدعان
ومضر وصويلح وجود الأجاود
والصوت اليفزع اولاد قحطان
وبلم الشمل يصفى الترادد!
احنه المسلمين وعدنه قران
نفس العدكم ابكل المساجد!__2
لكن كفرانه وهوَ شيطان!
ذاك الوصفانه اويه الملاحد!
رصينه الصفوف وكلنه صحبان
شو ذَبَحنه وبذاك التراصد!
هَدينه الامور اشلون ماجان!
وبدمعاته ضل يحجي ويصاعد!
ويكول النداء ابوكت الاذان
صفوا اكلوبكم عوفوا التحاسد!
والمذحج احشم و ال سبعان
وكبيح وبعد كل العوابد
تعبني الدمع خلاني خلصان
نخيت اجبور وبدمعاتِ أناشد
وكريزي ولهيب وال عطوان
ويه الوائلي ابكشف المراود!
فزعت الاسد والفزعه وجدان
وادري ابفزعته وينطيني زايد!
الك يلطرفي والوياك شجعان
هاي ادموعي والفتحت روافد!
وين الأسلمي الميهاب الأكوان
بالمسعود أحشم والمحامد___3
والصوت الاوَصله الال حرقان
والمشرف إوَمره وال واحد!
والنعماني أفزع أه ينعمان
يادمع الفلا خلاني صامد
والعيساوي ما هاون ولا هان
وبشوف الدمع مايبقه كاعد
والميالي وينه ابهاي الاحزان!
والحمداني اعرفه الما يهاود!
يازود الدواسر و أل غران
والعقيدات أحشم وال خالد
وال اظفير اكولن وال نبهان
والظهراني حلال الشدايد
ورفاعي وشبيب وال ركبان
وصليخ التلم ابهل تعاضد
وخليفاوي احشمه وال صفران
وبزود السوادي وال ناجد
وجناح وفهود وال ريحان
ياناس الدمع عاد العوايد!
يابحر الدمع ماخله ربان
يتمشه ابطريقي وكلشي جامد!__4
جذاب الدمع وبطبعه فتان
وبهذا الطبع زاد السرايد!
والغره وكصدت الال كطران
والعويسات اكول وراح اناشد
ودريع وذهب ويانه خلان
والمنصوري يوم الزود قائد
والحافظ إوَبنده والبوجمعان
وال ازياد وبدمعاتي كاصد
وافزع المشهداني والبو غزلان
والشامي وفرج ضد النكايد!
عنبر والتيوس وال كصوان
واحسائي وعِلي وكل المراشد
وال اكثير وازهيري اويه كولان
وسيوط التكض كل الطرايد!
والجهلاوي افزعه ابسند الاركان
خافن توكع ابربد اليرابد!
جماسي واماره وال روضان
والبركي وعراده وال ماجد
وين الاكرمي وافزع يفوزان
ويه الظالمي وبالصوت اصاعد__5
وبراية كِويشي وال ذيبان
وخربيط وسند واهل الموافد
مزاريج وفؤادي وال برزان
وعويني وشموسي ابهل تشادد
وشمَيل وَفيصل وال كرطان
هامتهم علو فوك النواجد!
وشجيري وحارث وال جرنان
والشبرم وَصَفينه المناضد!
متعافي الدمع وينك يطحان
مايستخطي بينه وما يراكد!
والدراجي افزعه وجفه بستان
ويجيب البهادل! والمواجد
ونخه اسويعدي ولال سلطان
والفزعتهم الهل دمعه حامد
يامياح الك وبسرف الاردان
اتباهه ابحصد كل المحاصد!
احشم بالركابي وأل خشان
عذبني الدمع مابي فوائد!
يادبي الدمع ماخله شبان
والعوادي هذا اويانه شاهد !__6
حَشمت الِعبادي وال عجمان
وال ابدير تكضيها المكاصد
وسماري إوبِصيري والبو جملان
صيارم ولنصيري وبيت واجد
شغانب ويه عوفي وال كصوان
وبجراح اكف كل المرادد!
حسينات ونعيم وال سرحان
والعواد افزعه الهل يهادد!
والزيداوي وينه وأل خيكان
وال ازوين ودوها المناجد
كدها الصالحي وللفزعه ولهان
وبالفياضي متضيع النشايد!
واحشم ال فتله وزود حمران
ويه العامري بسيل النجايد
نجار ويساري وال بردان
والشاوي وسعد بلحَك تجاهد
بالفريجات أحشم وال غضبان
وللسعدون انادي إوللخوالد
وبجف الكناني النخوه ميزان!
والحريشاوي عنوانه المجاهد__7
خزاعل وال ازيرج عز الاوطان
وب أل الشبل للدوم أزاود
والعادل وَذبحاوي إوسليمان
وخماس وطليبات وحمايد!
وينك يلقريشي وصبحك الحان
وتلبس الشمس احله الكلايد!
تسكت دمعتي يمكم يكرعان
والابراهيمي كدهه ابزوده واجد
بني مالك سلف ويقيس الاوزان!
وبني لام التصد كل المصايد!
اجيت وزامطت بيكم يسودان
يادرب البخت دَله المناشد!
والحلفي اليهل بالشده بيان
والدلفي النخيته وما يحايد
وأحشم بالمِطيري وأل شيبان
والعبودي قناص الطرايد!
وين أهل البخت هبو يشحمان
يادمع البقه ابصفناته راكد!
وأل اسعيد كبت جنها نيران
خلوها الارض مثل المواكد!__8
يا فرطوسي يل بلفزعه عوان
تلاحك للدمع خلاني بايد!
جا وين العتابي وهو ما جان
يترك من نخاه ابيته لابِد!!
والحميداوي بالكلفات! دَيان
والسراي اهل نخوه و سنايد
والعلياوي أفزعه الدمعي خَوان
خاناني ابكثر ماضل يعاهد!!
طحت وحشمت بيكم يبيضان
وَصيح ادخيلكم بالدمعه شارد
تعبني ابشعاره وحيل بطران
ماخلالي عيد وحته أعايد!
ماشايف دمع يترسله فنجان
ناديت العكيلي اويه الرواشد!
رايح لصريفي وال عمران
والحجاج أفزع وال زايد
وينك يا تميمي وبيك فرحان
ونخيتك يا جنابي وبيك اواعد
ياطي بالمضارب لافي حيران
وين اليترس الساحه مَوائد!__9
ما رايد طعام وأنه شبعان
رايد هالدمع عني ايتباعد!
الك يلسالمي والزود ما هان
والمعموري بس الله ساجد
ناديت الربيعه ودمعي فتان
سوه الفتنه مابين المِشاهد!
واتعنه العقابي وأل حسان
والغزه الدوه الكل المضامد
والعزاوي يفزع ويه الاعوان
والعبدي وَبعد زود اليزاود!
حجامي وحجيمي والبو شبعان
بني سياله احشم وال ناجد
وِيَسار وفضول وال صدعان
طوكه وما حوت من المساند!
والشده وعشاير البو علوان
وجليحه وعفك وال المساعد
وِحمِيدي احشم وال مريان
وخزيم وبعد زود الموالد!
دمرني الدمع خلاني خسران
وأدري ابعاقبة هذا التصادد!__10
ياغيض الجوابر جنه بركان
بالفزعه اشكثر ولكم شواهد!
وينك يالنعيمي واحنه خوان
وينه الزوبعي البلنخوه رائد!
وين اعبيد وين الكال ابو افلان!
يخلصني الدمع بكليبي مارد
والكعبي المدارس لأل عدنان
وخفاجه اللي يوزعون الشهايد
وكحات الدموع اتريد فرسان
ويحلها الشويلي اللي يساند
وأحشم بعنزه وبأل هوزان
واعرفهم كفو ابكل المكاصد
عياش وبخاتر وال كران
منكوش وبخت واهل المجايد
الواني ومراعش وال جربان
عرداوي وزهيري اويه العبايد
والدنياوي احشمه وال شملان
وبجباس اهد كل الركايد!
اخميسي إوَجِميعي وال وزان
وعنبك والزهاوي ابهل صدايد!___11
قصاب وطريحي وال جيزان
والعمري وفحم ضد المفاسد
والبو جليب احشم وال همدان
وبنمر وفهد يقوه التعاضد
بالجياش افزع وال عجمان
والعامر وازامط بال عايد
عاينت الدمع حضرلي دفان!
لزبيد ورحت واهناك أناشد
ياناس الدمع عالفقره طعان
يرعد بيهم وزاد المراعد!
حَشمت العرب وبكلبي دخان
كلما يخمد ابناره ويعاود!
بنو كنز ومرازيق ويزرقان
وراجح والقواسم وال غامد
وبدور وقضاعه وال سلمان
وحمير وسهيلي وأل حاشد
وابو صيبع وعيفار اويمعدان
ماخف الدمع شوفوا المزايد!
والبعطيوي اصيح وصوتي رنان
ياثكل الدمع ثكل الحدايد!__12
ورمَيض وَمشرف وال وطبان
وغريب وال جاسم للشدايد
وترابين وبنو أزد ولبو جمعان
وعوازم وال هاجر والعوائد
والقيس وبدر ولال فنجان
والاهل الكرم كل المواكد
والكنده وكثر مابيها عربان
واعاجيب وسهل ويه المزاهد
ياصوت البخت ما خله ديوان
أودي الناس ما خليت واحد!!
ما سوه الطلب ويزيد الأحزان
وبذبح الطفل رايد يجاهد!
وينك ياعراق ابهاي الاشجان
ياشيبة بخت يابو المراقد
ماظنيت دمعي ايصير شيطان!
وكلشي ابهل زمان ايصير وارد!
يا دمعي الوكيح وجنه سجان!
خلاني ابمأسي البيت! كاعد
ماراد الطيور وصيدة الضأن
وبلحم البشر رايد يصايد!__13
ماتمشي السفينه ابلايا سفان
ردت فزعت عشاير والسواعد
ردت فزعت عشاير والسواعد
حسين االساعدي
___________
القصيده لم تكتمل بعد! وهيه قيد الانشاء!!
لتدوين باقي العشائر بابيات جديده بنفس الوزن والقافيتن!!
وتحيه لكل قبائلنا العراقيه والعربيه وعذرا إن لم أذكر قبيله ليس للتجاهل وكل العشائر تاج عالراس ونفتخر بيهم
خادمكم االساعدي
::::::
ياهو اليجي وياي يتساجل اليوم
نتبارز ابدمعات وبكت الهموم!
االساعدي
هد وانه اهد وانشوف ياهو اكبر اجروح
يلمالكيت اأأحباب شتسوي بالروح!
االساعدي
من جنت بالكاروك واجمع بالهموم
مسكينه هاي الروح مافرحت ابيوم!
االساعدي
ياهو اليهد اجروح بالساحه وياي؟
تنخطف هاي الروح من اذكر اهواي
االساعدي
وينه اليجي وياي ويهد الجروح
شرط الطلع خسران ماياخذ الروح
االساعدي
بالغربه وبيا حال ما اكدر انسه
وصلت لعد بغداد دمعاتي هسه!
االساعدي
كمت احسد الميتين والغمض العين
وينك دطم الروح لتكلي بعدين!
االساعدي
انه ارد اسبل العين وادموعي كلها
ياخويه هاي الروح حنت لاهلها!
االساعدي
دمعاتي مو دمعات جنهن شظايه
شفت الكمر هاليوم لابس عبايه
االساعدي
خصت دمع العين جان اشغلاته
هسه الدمع مذبوب يم الشماته!
االساعدي
ياهو اليجي وياي يتباره بالنوح
والصرخه صرخت موت ونضحي بالروح
االساعدي
بالكوه اكول الصوت ماجني عايش
حته الربو وياي طلعوا دواعش!
االساعدي
انه الجنت مهيوب كدام العييوون
صرت اختل ابسد ناس بيه ايتباهون!
االساعدي
ياخويه هاي الروح ما منها راحه
ذبتني يم بذات يهوه الكباحه!!
االساعدي
َ
المشاركة الأصلية كتبت بواسطة جنة الروح
