قارب حنين
يمتة ترجعلي وتطفي بروحي نار
حتى اتاني بكل محطة وكل مطار
تعبت عيني ثواني الانتظار
مختنكَ يالغايب وبيدك هواي
شلون ليل الغربة يكَدر يحتويك
اني لو اندلك بيا ديرة اجيك
اني يالمهدي تعلكَ كَلبي بيك
ميت وتحييني من تكَولي جاي
عاشكَ اسمك بعيني رسمك عايش وياك بخيالي
من تجيني تلكَة عيني الك ملهوفة يا غالي
═══════════
راح اغمض عيوني واتخيل اجيت
اني الك بدموع عيني باني بيت
لا تواخذني اذا يمك بجيت
النار لهفة شوكَنة تذوب الجليد
اني عابرلك على متون السنين
بين روجة معضلة وروجة انين
انة جيتك قارب يدفعة الحنين
رغم بعدك بس احسك مو بعيد
شوف حالي بالليالي بعيني كل الدنيا ليل
طفي نارك بانتظارك بعد ما ضل بية حيل
═══════════
منتظرمن حتى اكَولن منتظر
بداعتي ارجع كَبل لا يكَضي العمر
الموت مزروع بطريق بكل شبر
ارد اشوفك مرة بس وتالي اموت
عندي موعد جيتك موعد سلام
موعد تعرفة البلابل والحمام
كَبال نور عيونك يضيع الكلام
يم حضرتك واجب يكون السكون
انطيني موعد كافي تبعد تعبت عيني الدموع
وبظهورك الكَة نورك خاطر اطفيهة الشموع
═══════════
قارب حنين
♬من البوم غرامك شهد♬
كلمات الشاعر - ايهاب المالكي
الحان - علي الدلفي
═══════════
رد مع اقتباس
المشاركة الأصلية كتبت بواسطة رحيل
