.
لمْ يَعد الصباحُ الباكر _ بَاكِر _ !
الشمس قدَّت قميص الليل
ياهو يصدها عين بعين ويكللها غلطانة ؟
ينجمة شطيحج بالكاع ؟
يخد من عافية شخلاج يم شفاف_جوعانة
لجحتج وانتي ماي بغيم
الاعمى يشوف اذا بالطيف
والاخرس_كلبة_من_يحجيج_مايحت اج للسانة
شعندج باقية هنانة ؟
اطار الصورة للمرسوم بيها يصير سجانة !
وجهج بي ملامح خوف
خوفة نجمة شافت ليلها يكصر بالضوة ردانة
خوفة اخر العنكود
من يتلاكه ويه البير ويخزرونه خوانه
قلق نومة عيون الذيب
ومخازر عيون البوم
شجاج وهسه صارن بيج يم عيون نعسانة !؟
احب الكاع جي متطيح
احب القبلة ما تندار
احب السكتة جي تنهاب
القلم لو سكت عمرة يطول .. يموت .. كتابة دفانة .
بس لو طال صمته هواي
الورق اخرس يظل يعيش مثله اوياج عشت انه .
.
حسين_علي_المطوري .
.
رد مع اقتباس
المشاركة الأصلية كتبت بواسطة ★ نِجمـٌــٍة شتـٍـٌــاء ★
