إيْعض أبنَه ..؟؟؟.!!!
البارحة المغرب بعد الصلاة اجاني صديقي ابو محمد روحه طاگّه وفاير ويتأفأف .!!
** خير شكو ياستار .؟ طلابة جديدة عندك؟؟
گال .موّتني .گتلني .سحگ ابمصاربني !
** منو هذا ابو محمد ؟؟
گال . هذا واحد شايب يصلّي يمي بصوت عالي . وكل ساعة وگال . هِدني علي الصراط المستقيم !!. گتله حجّي . انت گاعد تقرأ الآية خطأ . شنو عدّك عرگة وي السراط وتهد عليه . يگلّي شنو قابل انت افهم من ابوي وتريد تعلمني . صار سنين اقراها . هدني على الصراط .
گتله عمي ( بس بعصبية ) . الله يرحم والدك . هيچي يقروها . أهدنا السراط . هم مو الصراط . شنو انت شتصرط شوربه ؟
السراط . يعني الطريق القويم العدل
گالّي اگلك . انت لا تصيرلي مثل لقمان الحكيم عود يعلّم ابنه ويعضعض بيه ؟؟!!!
گتله شنووووو !!!!
گال اي يگول لأبنه لا تشرك بالله وهو يعضّه ماقاريه بالقرآن من كونك تفتهم !!
گتله عمي الحجّي . يعظهُ ( .يَ. عِ .ظَ .هُ .) يعني يرشده ينصحه . مو يعضّه
بس شحچي وياك . اذا انت عبالك لقمان الحكيم يعّض . فيمالله اغاتي
رد مع اقتباس
المشاركة الأصلية كتبت بواسطة جنة الروح
نورت