صاحب كَليبي
وجهك حلم ما ضايكَاتة عيوني ... يا عيوني
جيتك نهر يل غيرك يعطشوني ... يعطشوني
من شكَد صبر يالمهدي اذكرك غايب ... اي غايب
بدمهم برد لو اموت ما يدفوني ...يا عيوني
لا جدمي يم داره ولا سامع اخباره
طاحن سوة عيوني والدمعة محتارة
انة احسب واعيد شكَد جن غيبتة بلا حد
بس راح شو ما رد هنيالة من زاره
يا ناس عايش كَوة صاحب كَليبي هوة
ما انام بعيوني عشكَ والسهر لجلة يسوة
من غيابة لغيابة شيصبر احبابة
دكَ رجلة كَلبي يصيح يا بوية يا يابة
اي يحجولي كَلبي انشكَ دكَ بمغيبة دكَ
كَولولة ما يلحكَ لو طول غيابه
═══════════
العاش بظلم متعلكَة روحة بروحك
واكَف شمس والغيمة جنهة جروحك
ذاتك وفة وبيهة ابتسامة عيونك
جفي كَصر بلكت عيوني تلوحك
يالواضح اسلامك شكَد روحي بيامك
غالي وبعد غالي ولا غالي كَدامك
تانيتك اتنطر ما يكَدر الكَدر
بيا كلمة تتفسر يالمهدي احلامك
فدوة يا كَلبي فدوة زين انتة تعرف تهوة
حبك ولا يخلص عشكَ لدكَتك اروحن فدوة
اي هية اي هية عشكَك على النية
يا كَلبي ممنونك هاي الي مرجية
تسلم الي تسلم يا كَلبي لا تهتم
يا كَلبي اتعلم هل دنية مكَضية
═══════════
لغيرك ابد ما وجهت مكتوبي
ويلا مطر ذكرك يبلل ثوبي
وجه النهر يبجي ويحن لشموعك
بعيني حجي مضموم الك محبوبي
دنيانة دنيانة ما نصحت ويانة
يا مهدي من يومك والشيعة حيرانة
يا الما تجي وتكَرب شما تبتعد تنحب
ترضى احنة نتغرب بيا منفى تلكَانة
ما عدنة غيرة هوة اي جنة غايب توة
سر بالكَلب دفناه كَلبي ويعشكَة هوة
ردناهة ردناهة من الله ردناهة
راحت علي عيونك وناسك علي وياهة
اي يا غيمة ما تنمل نبجي وعليه نسأل
لاكن ولا نزعل دنية وكَضيناهة
═══════════
صاحب كَليبي
♬من البوم غرامك شهد♬
كلمات الشاعر- فاضل حسن
الحان - علي الدلفي
═══════════
رد مع اقتباس
المشاركة الأصلية كتبت بواسطة مزاجية وكذا
