خجلان منك
ردتك تمر وية الفجر نسمة ضوة تناغي العمر
صبر اليحب كولش صعب ما ضل كَلب يحمل هجر
ما عندي غيرك يل عفتني بوحشة غيابك
يا باب ادكَ بشكوتي لو ما ادكَ بابك
انة الموالي المهدوي العاشكَ يسموني
يل شوفتك لمعة ضوة وتكحل جفوني
ليلي يا محبوبي ظلام بغيبة انوارك
اقسم عليك بهيبتك تقبلني خطارك
انة الاعرفك يا حبيبي واعرف اسرارك
تلكَاني كل طلعة شمس اسأل على اخبارك
حن على حالي مروتك واروي ضماي بشوفتك
واني على حر الجمر عاشكَ واتاني جيتك
═══════════
حلمي انطوة وغصني التوة جيتك جرح وانت الدوة
ليلك يجي واسهر واحن كل يوم اضن نكَعد سوة
انة على كل سجة امل شاتلك عيوني
مجنون وبحبك همت يل بيك لاموني
ارجع طفل من اسمع بجيتك يبشروني
ازحف واصيحن للحبيب وياكم اخذوني
هامت يمحبوبي حياتي بعالم اشواكَك
معلوكَة شمعة بكل مسية بظلمة فراكَك
هزة الحنين الجيتك يتنظرك عراقك
يل غايب ويلهب جمر بكَلوب عشاكَك
نتنطرك وي كل صبح بسلم تسلم عل جرح
ما نكَدر اكثر ننتظر عجل يبو جف السمح
═══════════
امرك وعد وعلى العهد ما ضل صبر ينفع بعد
حكم الدهر هم وقهر وشننتظر يالمنتظر
وين الكَة يوسف هل وكت ويفسر احلامي
صارت عجاف من الحزن يل غايب ايامي
كل يوم اشوف على الرمح راس العدل دامي
نهرين يجرن لاكن حسين العصر ضامي
يا يوم اشوف بيمنتك يلهب غضب سيفك
تتطاول اصحاب الظلم ما تاخذ بحيفك
مكسور خاطر جم كَلب يا ابن الحسن ظيفك
بعيوني يلجم دمعتي كلما يمر طيفك
كل يوم اكَولن هل شهر ويبين هلال الفخر
خجلان منك واعتذر لو ما كَدرت ارسم صور
═══════════
خجلان منك
♬من البوم غرامك شهد♬
كلمات الشاعر - سيد سعيد الصافي
الحان - علي الدلفي
═══════════
رد مع اقتباس
المشاركة الأصلية كتبت بواسطة *زينتي حجابي*
