المشاركة الأصلية كتبت بواسطة ^-^بطيخه^-^
موضوع جميل ،، حلو ان نستمع لمغامراتهم ^^ ،،
احجيلكم قصتي :(
طبعا م مسولفتها لاي احد حتى لاصدقائي ويمكن ح يزعلون مني
كان شخص وهو جيراننا ،، يحبني وكذا بس اني م ابادله الحب لانو احب واحد غيره
..
وقبل اربع سنوات ،، اجوي اهله وكالوا لاهلي نريد بنتكم لفلان
،، بوقتها الدنيا صارت سودا بعيوني :/ ،،
المهم راحوا وامي فاتحتني بالموضوع وهو ولد م ينعاب واهله مرموقين وامكانيتهم زينه وكذا ف اني كلت لامي م موافقه بقت تسالني السبب واكلها ما اريد اتزوج :) ،، كالت لابويا وبابا تعجب لانو الولد م بيه شي وهو مقتنع بيه ،، تعرفون لما الاهل مقتنعين بأحد لانو متكامل صعب نرفض وبلا سبب ،، بابا كال لي اذا متنطيني سبب ع رفضج راح تتزوجيه لانو يلائمج ،، م گلت لاحد ابدا اني ما اريده لانو عندي حبيب
،، لو يرجع الزمن جان كلت الهم بس كنت غبيه بوقتها ،، المهم قطعت علاقتي بحبي السابق وتقبلت الواقع المر اللي الكل يشوفني ح اسعد بيه وم لگيت السعاده ابدا لهاليوم ،، مكضيتها كذب بكذب وكل حبي لزوجي بس حتى م ننفصل واصير ممقوته بالمجتمع :) ،،
وهو بيوم سمع وحده من اخواتي تحجي ع حبيبي السابق واجبرني اكله الحقيقه ،، وسولفتله من البدايه للنهايه ولحد م تزوجته ،، هو گلي ننفصل بس توسلت انو م يسوي هيج لانو اكون خسرت جزء من حياتي وحتخرب همين واهلي حيلوموني واختاريت اكمل حياه مره واني بعمر ال17 بوجود زوجه ثانيه لازم اكون معاونتها بكل شي وحتى بتربيه اطفالها وكانت اصغر منه بسنه واحده :) ،، المهم صرت مجرد انسانه عاديه بحياته والاغلب خدامه لهذا بديت اكمل حياتي واني وحيده بلا احد بهالبيت الجحيم واعتبرت نفسي بعدني شابه بعمر المراهقه ورجعت احاول اكمل حياتي بالامنيه اللي اتمناها واكملها ك اي وحده بعمري ،، رجعت ازرع التفاؤل داخلي رغم الالم والاذيه لللي احصلها كل يوم ودتشوفوني شابه متفائله وفرحانه بحياتها وناسيه عندها زوج وعايشه ك اي بنت عاديه ^_^ ،،،
صيرو قويات ^^
ونصيحه لكل واحدة ، لا تخطأون خطأي ،، لما يتقدملج احد وتحبين غيره كلي لامج وهي تتكفل بالامر واذا م تكفلت واجبرتج حيصير ذنبج برقبتهم وم ح تحتملين كل الوجع وتأنيب الضمير وحدج واي شي هم المسؤولين بدل م تكونين وحدج انت السبب :)
ولا تكولين انو ما تنفصلين وتبقين خدامه للزوجه الثانيه بسبب كلام المجتمع الفاشل .. ارتاحي بباقي حياتج ومعليج بحجي المجتمع تالي ح يكتبلج الله حياه احسن من هذيج اللي لزكتي بيها -_-
،
ملاحظه ** الفوگ كله كذب
،،
الشتيمه حرام
من اتزوج بعد فد عشر سنين او اكثر ارجع اسولف الكم
ههههههئ
وفقط
سلام
..
رد مع اقتباس
