يل عينــچ شذر والحاجبين سيـوف
يل عينــچ شذر والحاجبين سيـوف
گطعن كل شكوكـي وحبـچ اتكون
يا ايـه عشگ رتلها گلــبي بشوگ
وحروف القـوافي بحضرتچ سجــدن
ما بين الوهـــم والواقع احتاريت
عجيبه الحور گامـن عل الارض يمشن
يل حچيچ ترافــــه ونبرتچ الحان
من تحچين صوتچ يطـــرب اليحزن
يا اول بشر منه الجمـــــال يغار
مو حقــه اليشوفچ ضل شهر يصفن
بعــد فوگ الورد لا ما يحـط فرّاش
على شفافـچ رحيق وگامــن ايحطن
سواهــن دوه بيها العليـل ايطيب
وبرســم الشفايـف ربـچ اتفنن
ما يمشي الوكـت لمــن اصير وياچ
وأميال الزمـــان بشوفتچ وگفـن
مشيت دروب صعبه وما حسبت حساب
طريق بلا نهايـــــه اعيونچ ايودن
يا اجمل صَمت شَعرچ حچالي اشكــال
ليل او وي نجومــــه بخصرچ اينزلن
امايه بحنانچ وجروحــي كلها اطفال
وايدينـــــچ دفو وانه بوسط چله
يل مشيچ ثقه والخطوه مَلك تصـــير
ما شايف ملـــــوك بهل الزمن قله
وجناتچ جمَـــــر هذا الحَمار منين
مو حـــتى الشمس منچ صفت خجله
ذبت كلي بهواج وگلـــبي صاير نار
يبرد من اصـــــد عيونچ الشهله
لحچيلچ شعـر عن العشــك ما صار
الشاعـر من يزامط بالقلـــم فعله
گلبي شلون گلبي من يمـــر طاريچ
كله يگـــوم يوگف يصفگ بكله
من بعيــد احسّن روح تشبگ روح
واذا اگرب عليچ الشغله مو سهلـــه
راق لي
رد مع اقتباس