اني اكول ونصيحتي الثاني لان كول المواصفات بي حب تقدير وهتمام وهذا الشي يقوي العلاقة بينكم اما الاول فيكول قادر مقتدر وعندة فلوس ويكدر يزوج عليج 2 فانتي طبعا عندج شمات فراح تكونين محط انظارهم اذا عافج وازوج عليج.... وانتي تكولين معاملتة قاسية هاي قبل الزواج لعد شلون بعد الزواج يمكن حتى يشك بيج ويحبسج ومعاملتة تزيد اكثر واكثر قساوة .... نصيحتي فكري عدل واختاري الي متندمين بعدين من ورا
مرحبا ...
اعتقد رأيي ما رح يعجبچ. ...بس الحقيقة انه اذا اخذنا الزمن بعين الاعتبار ..فأني متأكدة انه اللي رح اگوله هو الافضل .
اذا اجينا عالشخص الاول. . .فمثل ما كالوا اللي قبلي اللي يتكبر على شريكة حياته ..فماكو داعي تعيش وياه بمذلة ..على شنو ؟ فلوس ؟ منصب ؟
باچر عگبة حتى لو اتزوجچ اكيد بفلوسه رح يتزوج عليچ ..اللي ما يحترمچ هذا الخيار رح يبقى قائم عنده ..الافضل تتركيه ...من اجل كرامتچ و حياة محترمة .
الثاني و رغم كل عاطفيته ...ما يصلح زوج ايضاً ..لأن هذا مشاعره رح تبقى تنغص عليچ حياتچ كونه يعرف انت كنت على علاقة بغيره ...هالشخص رح يبقى يتذكر هالشي و يطلع الماضي على جلدچ و تالي متكدرين تكملين وياه ..هذا طبعاً رأيي ..و هو مجرد تفسير قائم على معطيات انت نقلتيها .
النصيحة ...اتركيهم اثنينهم ..لأن ذولي متشابكين ابعض ..و ماكو شرقي ينسى طبعه الشرقي ..تالي انت تدفعين الثمن .
ارجع و اگول ..الزمن كفيل بأن يقدم لك فرصة احسن ...تمثل بداية جديدة و نظيفة ..بس كون تستخدمين عقلچ و لا تظلين تنقادين وراء عواطف تودي للتهلكة ..
و بالتوفيق .
تتركيهم اثنينهم واختاري فترة نقاهة لأن هذا الشي رح يخبلج الحياة ما تتزن على اثنين
السلام عليكم .. طالما الاول يتعامل معك بتعالي فانه يعتقد بانك اقل منه مستوى ( حاشاك ) وهكذا انسان ستستمر معه هذه الصفة واذا تنازلتي عن كبريائك وسكتي على تعامله معك وان كان على مضض سيزيد من السوء اليك وكلما قدمتي تنازلات سيزيد من تصرفه الخشن ضدك لاني اعتقد اساسا انت من شجعه على هكذا تصرف بعدم ردك وسكوتك واعلمي بانك كلما سكتي سيزداد سوء ...وهكذا شخص يتصرف كالديك الذي يعتقد ان الشمس لاتشرق الا على صياحه وهذه وجهة نظري المتواضعة .. مع تقديري
علاقة بشخصين....الله اليستر
عموما غاليتي المكانة تزول وهالشخص حيعاملج بدونية دائماوحيسببلج هالموضوع نكد طول حياتج وياه...الفلوس تروح وتجي
اما الشخص اللي يحبج ويدري عندج علاقه بغيره حتى لو اختاريتي حيشك بيج وهم يسببلج هالشي نكد طول عمرج
مممم
محير الاختيار
بس لو مكانج اني اختار اللي يحبني ونبني حياتنا سوة
لان الغني راح يحط من كرامتج ع طول عمرج
وبالنسبه اللي الا الكرامة
الاختيار الثاني افضل من وجهة نظري. لان الاول احببتيه لمكانته ..فغدا عندما يعرف غيرك يرميك..مجرد راي
رد مع اقتباس