هنا

[أنثى حائرة]

السلام عليكم
طبعا اني حيل بحاله حزن ... ما اعرف شسوي ودصدك حائرة ..
اني اكو شخصين بحياتي .. شخص عندي علاقه بي وراح نخطب بعد فترة .. هذا الشخص احبه وهو يكول احبج طبعا هو صاحب مركز قوي بالمجتمع يعني حاله مادية وسمعه ومعروف وكشخة. . بس اكو مشكله تصرفاته ويايه ما تعجبني يعاملني بقسوة أو تكبر مرات ع الرغم اني اكول لازم تستمر علاقتنا حتى النهايه اكول حته مستقبلي يكون زين .. اكو شخص ثاني يفتقد لمواصفات الي حجيت عليها والي موجوده بالأول ! بس يحبني حب حد الجنون اهتمامه وحبه وخوفه وغيرته حييل حلوة يعني يحبني بالطريقة الي أتمناها والي ما موجودة بذاك الشخص الي ع علاقه بي .. هو يعرف اني ع علاقه بشخص ثاني بس حبه الي يخلي راضي بكلشي. . مرات انسحب من علاقتي واكول معاملته ما احبها خلي اعوفه بس ارجع اكول لا خلي افكر بعقلي مو بقلبي ... بس والله اموت قهر من اشوف أسلوبه وياي واني بنيه ما ناقصني شي ...
اريد نصيحتكم لمنو اختار .. الشخص الي يحبني حد الموت .. لو الشخص ذو المكانه
شكرا الكم

[جورية]

ما نقدر انكلج سوي فلان شي لأن بالاخير الرأي يعود الج ....
بس عزيزتي شنوو فايده انو عايشه بقصر واحسن عيشه بس ويه الشخص الي ميحترمج أو اقدرج حسب ما اتفضلتي. ..الفلوس موو كلشي حبيتي أهم شي تعيشين مرتاحه ويه الشخص يضحي بروحه علمودج. ..
ففكري زين لأن قرارج هو الي راح يحكم حياتج بعدين...

[حازم البغدادي]

الزواج واشكالية الاختيار بين ترف العيش وفقر القلب وبين فاقة العيش وغنى القلب لن يفتت ملابساتها القلب لان الاختيار يبقى منقوصا في كلا الحالتين وعليه انصحك بترك اختيار الاثنين معا حتى مع هذا الحب لان تجرد الحب لن يقوم زواجا ناجحا مثمرا

[★ نـجـمــــة شـتـــــاء ★]

وعليكم السلام
شوفي اختي اكو اشياء اهم من الحب خصوصا بالعلاقات مثلا الاحترام والاهتمام
تره الحب مثل الورده اذا عاملتيه بلطف راح يزهو ويزدهر واذا عاملتيه بقسوه حتى لو جانت الظروف ملائمه راح يذبل ويموت
لشوكت تصبرين وتتحملين قسوته واذا يتكبر عليج من هسه وشايف نفسه بعدين شلون ؟؟؟؟
المال مو مهم صدكيني السعاده مو بالفلوس السعاده براحة البال .....
اما بالنسبه للشخص الثاني فااذا يحبج وبيه صفات تتمنينها فأكيد علاقتكم راح تنجح وراح يسعدج ومع الايام تنسين حبيبج الاول وتحبين الثاني واذا ماحبيتيه كافي العشره الي راح تصير بينكم تضل رابط قوي تربطكم وتخليكم تريدون بعض
بعدين انتي اساسا مامقتنعه بالاول لان لو صدك مقتنعه بيه جان مافكرتي بالثاني ولا يخليج تفكرين بتركه
وخلي شي ابالج كلشي يزيد عن حده ينكلب ضده وراح يجي يوم مو بس تضلين ماتحبينه راح تكرهينه نتيجة تصرفاته وياج
وارجع واكولج فكري بعقلج كلش زين وقارني بين الاثنين واختاري الشخص الي تشوفينه يفكر بسعادتج اكثر بعيدا عن الحب شوفي مصلحتج وين اكثر لاتخلين كلبج ومشاعرج توديج لطريق مانهايته الا الندم
هذا كل الي اكدر اكوله بس مو معناها انا اكولج اختاري الثاني لا هذا الشي انتي تقررينه بقناعتج
.. ربي يوفقج ويسعدج ويزيل هالحيرة منج

[مۢہہژٱۣۗٳۖآأۣجہۣۗہيۣۗ 'ٰۗٛۧۙﮩ'ٰۗٛ‏]

اول مره اشوف بنيه تحب اثنين مطول تحبين ثنين هذه مو حب لعبه
وعتمدي عله عقلك وزوجي ابو الفلوس لان الحب كلوات وكل رجال ياخذونه لعبه

[احمد الفجراوي]

نصيحة لوجه الله ومراح تندمين اذا اخذتي بيها...

اتزوجي الانسان اللي يحبچ راح تكونين ملكة ♔ صدگيني وراح تعيشين مرتاحة لان هو راح يحاول بكل طريقة يسعدچ

بس اذا اتزوجتي شخص اتحبينه راح تحاولين انتي اللي ترضينه ومراح تگدرين مهما سويتي..

[لــارا]

السلام عليكم
طبعا اني حيل بحاله حزن ... ما اعرف شسوي ودصدك حائرة ..
اني اكو شخصين بحياتي .. شخص عندي علاقه بي وراح نخطب بعد فترة .. هذا الشخص احبه وهو يكول احبج طبعا هو صاحب مركز قوي بالمجتمع يعني حاله مادية وسمعه ومعروف وكشخة. . بس اكو مشكله تصرفاته ويايه ما تعجبني يعاملني بقسوة أو تكبر مرات ع الرغم اني اكول لازم تستمر علاقتنا حتى النهايه اكول حته مستقبلي يكون زين .. اكو شخص ثاني يفتقد لمواصفات الي حجيت عليها والي موجوده بالأول ! بس يحبني حب حد الجنون اهتمامه وحبه وخوفه وغيرته حييل حلوة يعني يحبني بالطريقة الي أتمناها والي ما موجودة بذاك الشخص الي ع علاقه بي .. هو يعرف اني ع علاقه بشخص ثاني بس حبه الي يخلي راضي بكلشي. . مرات انسحب من علاقتي واكول معاملته ما احبها خلي اعوفه بس ارجع اكول لا خلي افكر بعقلي مو بقلبي ... بس والله اموت قهر من اشوف أسلوبه وياي واني بنيه ما ناقصني شي ...
اريد نصيحتكم لمنو اختار .. الشخص الي يحبني حد الموت .. لو الشخص ذو المكانه
شكرا الكم

انصحك باختيار اليحبك ونتي تكولين لاول يعاملج بقسوه وتكبر وهذه قبل الزواج
فكيف تكون تصرفاته بعد الزواج انصحك بالثاني افضل مطول يحبك

[عضوية2635]

الزواج واشكالية الاختيار بين ترف العيش وفقر القلب وبين فاقة العيش وغنى القلب لن يفتت ملابساتها القلب لان الاختيار يبقى منقوصا في كلا الحالتين وعليه انصحك بترك اختيار الاثنين معا حتى مع هذا الحب لان تجرد الحب لن يقوم زواجا ناجحا مثمرا

عين العقل

[أمير الأحلام]

اكو موضوع ناشرته انتي گايله انج متزوجه صارلج ثلاث اشهر ورجلج يكتلج وطاردج من البيت وتريدين حل
وهذا الموضوع من اسبوعين وتكولين راح انخطب بعد فترة
شلون رهمتيها هاي؟

[*Rafa*]

اكو موضوع ناشرته انتي گايله انج متزوجه صارلج ثلاث اشهر ورجلج يكتلج وطاردج من البيت وتريدين حل
وهذا الموضوع من اسبوعين وتكولين راح انخطب بعد فترة
شلون رهمتيها هاي؟

لا مو هي ذيج غيرهه بس الينشر بهذا القسم ميكتبون اسمه فهمتني