ولعتني وشوفتك صارت دواي
وضحكتك صارت حياتي ودنيتي
ونيتي وجهك تره بنفس ألبياض
شوف وجهك وأنت تعرف نيتي
*****
حرت منك شوصفك وانت الاوصاف
وجمالك هذا شي كلش خرافي
بيه انت اخرجت عن كل الاعراف
وكلبت اوزان شعري والقوافي
*****
رادوني اعوفك واتعاندو وياي
واني من اعاند حيل اعجبك
جبت ابرة وفحم وفنك اشسويت
على كصتي وشم خطيت أأأحبك
*****
يالمزاجك مايمل طعم الغرام
والمشاعر بيك كلش راقيــــه
ذوق شفاف وترف حد النخاع
بس ضروفك ليش جداً قاسيه
*****
اضويلك عمر واحسبني شمعة وياك
واذا ليلك يخوفك بيدك اشعلني
وذا قصدك اذوبن انته لا غلطان
اذوبلك مشاعر مو تذوبني واذا
تعذيبي شرطك حتى تبقى وياي
موافق بالشرط بس لا تفاركني
*****
ضابط عالجتف ماشاد نجمات
عله خدودك رِتَبْ شديت تفاح
تصفن الجيش اذا بالجيش مريت
وياخذلك تحية يگوم السلاح
مو رشاشة فوگ امتونّه انشيل
لازم من تمر نتنكب أرواح
*****
انه بعيني لكيتك تمشي وي الغير
وانته بكل صلافه تكول : مو اني
لو واحد يشبهك جا كلت غلطان
بس ياهو بجمالك سحره رباني
*****
طولك خارطه وعينك حضارة اور
ومن سومر رموشك صاغهن ربك
ونهرين وحضاره وخارطه وتاريخ
يعني انت العراق شلون ما احبك
من دلة عذابك تسكي بيه اسنين
واني اخجل اكوم واهز فنجاني
رد مع اقتباس
