لتظن نار كلبي وياك تبرد
وبعد كل الحجيته وياك تبرد
اشوكت ماجيك بالسجين تبرد
دهاك اذبحني هو اشظال بيه
ـــــــــــــــــــــــــ ـــــــــــــ
ثواني لشوفتك احسب وعدلك
تميل وياي كل ساعة وعدلك
احبك وابد ما اعوفك وعدلك
واضمك بالكَلب يعني انتة لية
ـــــــــــــــــــــــــ ـــــــــــــ
عكَب عينك ابد ما عين تحلة
عزيز وبالكَلب كل يوم تحلة
اذا وياك حتى الحزن يحلة
حبيبي وصاحبي وغالي علية
ـــــــــــــــــــــــــ ـــــــــــــ
شعجب دفتر عشكَنة ما تكَلبة
وليش انتة الي يكَلبك ما تكَلبة
ترى كَلبي بغيابك مات كَلبة
كَلب كَلبي توفى وعم علية
ـــــــــــــــــــــــــ ـــــــــــــ
عزيز وعليك دمع العين همال
غبت عني وزماني وياي هم مال
فديتك هم جسد هم روح هم مال
واعز منك ترة ماكو علية
ـــــــــــــــــــــــــ ـــــــــــــ
شخصك ما بطل فد يوم ذكرة
وضميرك لو نسى الطيبات ذكرة
على الحايط كتبت بحزن ذكرة
حبيبي ويضل مثل الروح بية
ـــــــــــــــــــــــــ ـــــــــــــ
رماد اصبح دليلي منتداري
وعليك الروح تسأل منتداري
انة بلياك ضايع منتداري
وانة بلياك ياهو اليحن علية
ـــــــــــــــــــــــــ ـــــــــــــ
الك كَلبي يحن بس الك بالذات
لان طبعك حنين وموش بذات
تظل بالروح عايش دوم بالذات
شلون انساك يل روحك وفية
ـــــــــــــــــــــــــ ـــــــــــــ
كَلبي الما فضى الغيرك فضى لك
وروحي ما نست طيبك وفضلك
اميز بين الالف صاحب وافضلك
ويضل حبك طبع مطبوع بية
ـــــــــــــــــــــــــ ـــــــــــــ
الاخو الزين مثل الكَمر بسماي
وعلى افراكَة تجري العين بسماي
واذا مرة نخاني وصاح بسماي
اقدم الروح لعيونة هدية
ـــــــــــــــــــــــــ ـــــــــــــ
غشيم تسوي نفسك وانت داري
ومصايب كَلبي منك وانت داري
صرت انتة غرفتي وانت داري
سجن حبك سجني وعم علية
ـــــــــــــــــــــــــ ـــــــــــــ
علي تمطر مصايب من سحبكم
ومنو مني اخذكم من سحبكم
لو عذبني الوكت منسى حبكم
لان ماكو اعز منكم علية
ـــــــــــــــــــــــــ ـــــــــــــ
وحق الما وصل واحد مكانة
تدري شكَد الك عندي مكانة
شلت كَلبي وصرت انتة مكانة
ونبض البيك نفس النبض بية
ـــــــــــــــــــــــــ ـــــــــــــ
القلب مارف على غيرك ولامال
اعجزت من كثرت وعودك والامال
ابد لا بشر يونسني ولامال
الونيس انته حبيبي وهاي هيه
ـــــــــــــــــــــــــ ـــــــــــــ
توهة العين طابتلة وقرتلة
وروحي اعترفت بحبة وقرتلة
ناس بلا بخت راحت وقرتلة
صار يخاف مني ويشك بية
ـــــــــــــــــــــــــ ـــــــــــــ
اسمع زين اكلك وانتبه لك
شنو الجابرني اسمعك وانتبهلك
شخابصني بعمامك انت باهلك
هلي نبراس ومضوي علية
ـــــــــــــــــــــــــ ـــــــــــــ
وحك من انزل الصورة ورمها
انا علتي بالكلب زايد ورمها
اودها من وهي تحبي وراامها
بحضن امها وتدير العين الية
ـــــــــــــــــــــــــ ـــــــــــــ
صيري حبيبة الي وصيرلج /اب
ونجمد بس اشوفج واحنة بوسط/اب
تزكيني مر العشك وازكيج انة سفن/اب
دوخة يلعشك وكلك اذية
ـــــــــــــــــــــــــ ـــــــــــــ
عليل وكون اطيبن يوم وابره
ومن ذنب الجنيته ارتاح وابره
عشرتي وياك عشرة ثوب وابره
يبززني واكول يروف بيه
ـــــــــــــــــــــــــ ـــــــــــــ
فصوص العين فص يمي وفص لك
يامن يوسف انت اصلك وفصلك
اخيطك بيدي تدريني وافصلك
واجيبك فيت يالترهم عليه
ـــــــــــــــــــــــــ ـــــــــــــ
العشك يكتل ياصاحب وانته داري
هاك الكلب يمك وانته داري
انته اهلي وعمامي وانته داري
وانته امي وابوي وخال اليه
ـــــــــــــــــــــــــ ـــــــــــــ
لاذ بكلبي شوكك وانتقل بيه
صعد للراس حبك وانتقل بيه
احب اشلون غيرك وانته قلبي
وانه بكلبي احبن مو بديه
ـــــــــــــــــــــــــ ـــــــــــــ
اذا لجلك فديت الروح من دم
عليك العين تهمل دمع من دم
واذا عمري كضيته وياك من دم
لان طبعك حلو ونفسك ابيه
ـــــــــــــــــــــــــ ـــــــــــــــ
صورتك ملك نسخه من جمالك
يال محمل ذهب لولي من جمالك
اون واصفن واتعب من جمالك
لو فتت بالمنطقه اطكلك تحيه
رد مع اقتباس
المشاركة الأصلية كتبت بواسطة ★ نِجمـٌــٍة شتـٍـٌــاء ★
