○◐ انا الدلفي وانا الحلفي ◑○
تكَربلي من تبتعد كَاع وسما جروحي
عن عيني لو سافرت تستوطن بروحي
حسراتي بيهن ندى من زمزم احساسك
خليني اشد عل هوا بيرغ على انفاسك
مات العطش عل نهر شي ما شرب طاريك
لازم اسولف نهر يا ابا الفضل لو اجيك
كل المسافات تلكَاهة طبكَة رمش يم ضي عهودك
بدموعي ناديت خليني كَطرة مطر واغفى على جودك
كَمر ليلي وتراتيلي حنيني وعفتة تقصيري
اذا ازورك بحضن نورك اضيعهن تصاويري
┉┉┉┉┉┉┉
┉┉┉┉┉┉┉
يخنكَني ليل البعد واشهكَلك ولاية
تعكس ضواك على الضوة يل روحك مراية
يا محير اهل الوصف فنهم يوصفونك
هاي الشمس اعتقد مخلوقة من لونك
واحد تراه الكَلب لمن يحب واحد
شكَد كَتلة خل نفتركَ ما يعوفك معاند
امطر وفة وشوكَ لمن تمرني بحلم كل ضني ضامي
وما ادري انا بهاي ثاري انتة اسمك ماي بين الاسامي
هواي انتة التنفستة عطر ومعلكَ بريتي
العشكَ حيرة يا ابو الغيرة وانا اعشكَتك على نيتي
┉┉┉┉┉┉┉
┉┉┉┉┉┉┉
يلكَوني باسمك حرف لمن يضيعوني
بمكَفاي اذا التفت تتحول عيوني
لو جيتك اشبع دفو واتعافى حنية
شما اباوع الكَبتك بعدة العطش بية
صرت انة اسم الكَلب مو كَلبي لا عباس
شمس الله تاخذ ضوة من كَبتك للناس
لو خطوة اجافيك استغفر من العشكَ واشهكَ مسافة
ياخذني طاريك لعلكَمي محبتك واغركَ ترافة
يشوفوني ويحسدوني وانا اقرة معوذات الحب
منو المثلي وانا الدلفي سما شوكَك علي تصب
يشوفوني ويحسدوني وانا اقرة معوذات الحب
منو المثلي وانا الحلفي سما شوكَك علي تصب
┉┉┉┉┉┉┉
┉┉┉┉┉┉┉
✉ كلمات الشاعر - بشار السامي
♪ الحان المنشد - علي الدلفي
رد مع اقتباس
المشاركة الأصلية كتبت بواسطة همس الحنان
